U vieraśni 2017-ha ŭ razhar sudovych razhladaŭ ab psavańni na pradpryjemstvie 170 ton miasa na Homielski miasakambinat pryjšoŭ Siarhiej Karniejeŭ. Ale prajšoŭ hod — i na pradpryjemstvie čarhovaja kadravaja pierastanoŭka. Ciapier im kiruje inšy čałaviek — Dźmitryj Korž, piša Tut.by.
Dźmitryju Karžu 36 hadoŭ. Da pryznačeńnia na pasadu hienieralnaha dyrektara miasakambinata jon 9 hadoŭ uznačalvaŭ AAT «Kambinat «Uschod» pad Homielem.
Siarhiej Karniejeŭ ža pajšoŭ pracavać namieśnikam kiraŭnika administracyi Savieckaha rajona Homiela.
Nahadajem, u śniežni 2015 hoda byli zatrymanyja pieršy namieśnik staršyni abłvykankama Alaksandr Maksimienka i dyrektar Homielskaha miasakambinata Ryčard Stefanovič, a taksama niekalki supracoŭnikaŭ pradpryjemstva, adkaznych za jakaść pradukcyi. Pa viersii śledstva, niezabieśpiačeńnie naležnych umoŭ zachoŭvańnia miasnoj pradukcyi z maja pa śniežań 2015 hoda pryvioŭ da jaje psavańnia. Miasa nie ŭtylizavali, a sprabavali zbyć. U pryvatnaści, častka sapsavanaj pradukcyi na sumu bolš za 700 młn niedaminavanych rubloŭ była nakiravana na Aršanski miasakambinat jak syravina dla vytvorčaści kansiervaŭ. Na ščaście, jaje svoječasova kanfiskavali supracoŭniki milicyi, i jana nie trapiła ŭ prodaž. Pryčynienuju ŭron skłaŭ kala 7 młrd niedaminavanych rubloŭ.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary