U Maskvie na 92-m hodzie žyćcia pamierła pravaabaronca, kiraŭnik Maskoŭskaj Chielsinskaj hrupy Ludmiła Alaksiejeva.
Pra heta paviedamiŭ kiraŭnik rasijskaha prezidenckaj Rady pa pravach čałavieka Michaił Fiadotaŭ sa spasyłkaj na hałoŭnaha doktara 15 maskoŭskaj haradskoj balnicy, pieradaje Radyjo «Svaboda».
Pa słovach Fiadotava, jašče ŭ piatnicu, z balničnaj pałaty, Alaksiejeva pracavała i davała daručeńni svajoj pamočnicy.
Alaksiejeva naradziłasia ŭ Jeŭpatoryi ŭ 1927 hodzie, skončyła histaryčny fakultet MDU i aśpiranturu Maskoŭskaha ekanomika-statystyčnaha instytuta.
Udzielničała ŭ vydańni padpolnaha savieckaha pravaabarončaha biuletenia «Chroniki biahučych padziej», u 1976 hodzie stała adnym z zasnavalnikaŭ pravaabarončaj Maskoŭskaj Chielsynskaj hrupy. Praz hod jaje vymusili emihravać z krainy.
Za miažoj Alaksiejeva vyvučała dysidencki ruch, supracoŭničała z Radyjo «Svaboda» i radyjostancyjaj «Hołas Amieryki», drukavałasia ŭ roznych vydańniach i kansultavała pravaabarončyja arhanizacyi. U 1993 hodzie viarnułasia ŭ Rasiju, dzie była abranaja staršynioj Maskoŭskaj Chielsynskaj hrupy.
«Dla ludziej, jakija žyli ŭ Rasii ŭ nulavyja, Ludmiła Alaksiejeva — nie stolki saviecki dysident abo historyk dysidenckaha ruchu, kolki hieroj hramadzianskaha supracivu toj uładzie, jakaja jość ciapier,
čałaviek, jaki mitynhavaŭ suprać hetaj ułady jašče da taho, kali heta stała modna,
čałaviek, jaki prataptaŭ nam usim darohu na Bałotnuju i na tyja vulicy i płoščy, jakija byli paśla jaje», — napisaŭ publicyst Aleh Kašyn u fejsbuku.
Varta adznačyć, što pucinskija ŚMI nie tolki paviedamili pra śmierć Alaksiejevaj, ale drukujuć apałahietyčnyja artykuły pra hetuju žančynu, jakaja ŭstała ŭ žorstkuju apazicyju da sučasnaha rasijskaha režymu i źbirała va ŭsim śviecie hrošy dla dapamohi jaho achviaram.
-
Stas Michajłaŭ, Michaił Šufucinski i Nataša Karalova praśpiavali dla kiraŭnikoŭ SND u Ermitažy
-
Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
-
Zahinuŭ Vins Zampieła — raspracoŭščyk videahulniaŭ Call of Duty i Battlefield 6
Kamientary