Kanał błohiera Niechta budzie vydaleny ź Jutuba — kali nie ŭdasca asprečyć parušeńnie aŭtarskich pravoŭ BT
Jak stała viadoma «Našaj Nivie», kanflikt palityčnaha błohiera Nexta (aŭtar — Ściapan Puciła) ź Biełteleradyjokampanijaj moža skončycca tym, što ŭžo praz tydzień, 25 śniežnia, Jutub kančatkova vydalić jaho kanał.
Raniej Ściapan Puciła ŭžo pazbaviŭsia amal usich svaich videa. Niekatoryja ź ich vydaliŭ Jutub paśla skarhaŭ z boku BT, ANT i STB, inšyja na čas raźbiralnictva schavaŭ sam błohier.
Telekanały skardzilisia na vykarystańnie svajho videa, to bok na parušeńnie aŭtarskich pravoŭ.
U niejki čas kolkaść padadzienych skarhaŭ stała krytyčnaj, i Jutub papiaredziŭ Ściapana, što 25 śniežnia kanał budzie vydaleny, kali błohier nie zdoleje asprečyć pretenzii.
Praŭda, błohier NEXTA śćviardžaje, što ŭsio moža jašče abyścisia, bo Jutub nie ličyć vykarystańnie čužych videa parušeńniem pravoŭ pry peŭnych abstavinach.
«My chočam papiaredzić vas, što sprečki, źviazanyja z parušeńniem aŭtarskich pravoŭ, nie zaŭsiody raźviazvajucca na karyść pravaŭładalnika. Sprava ŭ tym, što ŭ niekatorych krainach raboty, abaronienyja aŭtarskim pravam, možna vykarystoŭvać biez dazvołu. Naprykład, u ZŠA vykarystańnie abaronienych materyjałaŭ u navinavych i paradyjnych videa, rolikach z kamientarami i videaahladach ličacca dabrasumlennymi.
Aŭtary, jakija biaruć čužyja raboty biez dazvołu, mohuć kiravacca ahulnymi pryncypami dabrasumlennaha karystańnia abo sumlennych pavodzinaŭ abo dziejničać na padstavie vyklučeńniaŭ, ustanoŭlenych u krainie», — takuju infarmacyju da viedama błohiera davioŭ Jutub.
Ściapan śćviardžaje, što prynamsi adnu skarhu jon užo asprečyŭ, ale adkazu ad Jutuba jašče niama.
U razie zakryćcia kanału, kaža błohier, jon budzie sprabavać pieravodzić aŭdytoryju na inšyja płatformy.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach54
Kamientary