Pucin pahražaje Jeŭropie vajnoj u vypadku ŭvodu jeŭrapiejskich vojskaŭ va Ukrainu
Abmierkavańnie harantyj biaśpieki dla Ukrainy jon pradstaviŭ jak sprobu pierahledzieć vyniki Druhoj suśvietnaj vajny.
Uładzimir Pucin zajaviŭ, što raźmiaščeńnie vajskovaha kantynhientu jeŭrapiejskich krain na terytoryi Ukrainy budzie aznačać vajnu z Rasijaj. Pra heta prezident Rasii zajaviŭ u kamientary rasijskim prapahandystam paśla samitu BRIKS u Deli, piša «Ukrainskaja praŭda».
Padčas svajho vystupu Pucin źviarnuŭsia z adkrytymi pahrozami da jeŭrapiejskich dziaržaŭ, abvinavaciŭšy ich kiraŭnikoŭ u tym, što jany nibyta padšturchoŭvajuć ułasnaje nasielnictva da niepasrednaha sutyknieńnia z Rasijaj.
Abmierkavańnie harantyj biaśpieki dla Ukrainy jon padaŭ jak sprobu pierahledzieć vyniki Druhoj suśvietnaj vajny.
«Jany chočuć pierahledzieć vyniki Druhoj suśvietnaj vajny? Da čaho jany ciapier padšturchoŭvajuć narody svaich krain? Da vajny z Rasijskaj Fiederacyjaj? Ciapier jany havorać pra toje, što razhladajuć mahčymaść uvodu vojskaŭ na terytoryju Ukrainy. Heta aznačaje vajnu z Rasijaj», — zajaviŭ jon.
Adrazu paśla pahroz kiraŭnik Kramla zajaviŭ, što Rasija nibyta «nikoli nie pahražała» jeŭrapiejcam, a śćviardžeńni pra pahrozy z boku Maskvy nibyta źjaŭlajucca vydumkaj.
«Dy niama takoj pahrozy i nikoli nie było. My nie pahražajem i nie źbirajemsia pahražać jeŭrapiejskim krainam. Z čaho b heta? Nichto navat nie zadumvajecca pra toje, što ŭ nas niama padstaŭ dla niejkaha kanfliktu ź Jeŭropaj», — skazaŭ Pucin.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary