Hienprakuror ab hučnaj «spravie miedykaŭ»: Vialikaja kolkaść ludziej zastajecca pad vartaj
Šerahu fihurantaŭ «spravy miedykaŭ» źmianili mieru strymańnia na bolš miakkuju, raspavioŭ hienieralny prakuror Biełarusi Alaksandr Kaniuk, piša Tut.by.
Siońnia ŭ Minsku prachodzić pasiadžeńnie respublikanskaj kaardynacyjnaj narady pa baraćbie sa złačynnaściu i karupcyjaj pad staršynstvam hienieralnaha prakurora Alaksandra Kaniuka. U pracy biaruć udzieł namieśnik Dziaržaŭnaha sakratara Rady biaśpieki Respubliki Biełaruś Andrej Uciuryn, staršynia Kamiteta dziaržaŭnaj biaśpieki Valeryj Vakulčyk, staršynia Śledčaha kamiteta Ivan Naskievič, kiraŭniki ministerstvaŭ, inšych kamitetaŭ i dziaržaŭnych orhanaŭ. Na pasiadžeńnie taksama zaprošanyja kiraŭnik Administracyi prezidenta Natalla Kačanava i staršynia Viarchoŭnaha suda Valancin Sukała.
TUT.BY paprasiŭ hienprakurora raskryć padrabiaznaści rasśledavańnia hučnaj «spravy miedykaŭ i adkazać na pytańnie, ci praŭda, što mnohim fihurantam była źmienienaja miera strymańnia.
— Jak sudździa i ŭžo jak prakuror viedaju, što isnujuć peŭnyja rečy: pakul nie budzie vyniesieny prysud, infarmacyju treba staracca davać bolš karektna, bo heta ludzi. Nie vyklučany apraŭdalny prysud u dačynieńni da kahości, a my ŭžo damo infarmacyju. Heta vielmi niepryjemna i čałavieku, i siamji, - prakamientavaŭ Alaksandr Kaniuk. — Tym nie mienš, na siońnia ŭ sud pastupiła 4 kryminalnyja spravy ŭ dačynieńni da piaci fihurantaŭ, u tym liku namieśnika ministra achovy zdaroŭja. Tak, sapraŭdy, šerahu asob my źmianili mieru strymańnia z utrymańnia pad vartaj na bolš miakkuju, ale jašče vialikaja kolkaść ludziej zastajecca (pad vartaj).
Pavodle jaho słoŭ, heta «roznyja miery strymańnia», u tym liku chatni aryšt. Hienieralny prakuror paabiacaŭ dać kankretnyja ličby pa abvinavačanym «spravy miedykaŭ» paźniej.
Nahadajem, 25 červienia staršynia KDB Valeryj Vakulčyk paviedamiŭ ab tym, što kamitet vyjaviŭ maštabnuju karupcyjnuju schiemu ŭ śfiery achovy zdaroŭja Biełarusi. Jak paviedamiŭ 11 vieraśnia na naradzie ab prablemnych pytańniach u sistemie achovy zdaroŭja biełaruski kiraŭnik, raspačata 95 kryminalnych spraŭ, amal 100 čałaviek trapili pad śledstva. Pa spravie byli zatrymanyja niekalki hałoŭnych daktaroŭ balnic, pradstaŭniki bujnoha biznesu, vysokija čynoŭniki.
U siaredzinie žniŭnia niekalkim zatrymanym źmianili mieru strymańnia.
Kamientary