U Łošyckim parku na vadzie źjaviłasia dziŭnaja piena. Z čaho heta?
Minčukoŭ zaniepakoiła mocnaja piena, jakaja źjaviłasia na vadzie ŭ Łošyckim parku. Asabliva šmat jaje ŭ kanale na ŭčastku paśla turbiny. Niekatoryja vidavočcy ŭ sacyjalnych sietkach vykazvali zdahadki, što heta moža być źviazana sa skidami zabrudžvańniaŭ, bo vada maje niezvyčajny vyhlad i pach. Inšyja ličyli, što źjava naturalnaja i vyklikanaja daždžami i pyłkom raślin, piša ahienctva «Minsk-Naviny».
U administracyi Leninskaha rajona patłumačyli, što takoje pienaŭtvareńnie nazirajecca štohod u pieryjad mocnych apadkaŭ. Kali vada padaje z vyšyni i źmiešvajecca z pavietram, utvarajecca piena.
Taksama śpiecyjalisty adznačyli, što ŭ ciopły siezon u vadajomach aktyŭna raźvivajucca mikraarhanizmy i vodaraści. Jany razam z pyłkom i ŭźniatym hlejem mohuć dadatkova ŭpłyvać na źjaŭleńnie pieny.
Pa słovach čynoŭnikaŭ, heta źjava nie ŭjaŭlaje niebiaśpieki dla ptušak i ryby.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina22
Kamientary
niešta ja nie vieru čynoŭnikam, jakija žyvuć u Drazdach, dzie Śvisłač uvachodzić u miehapolis, i dzie vada prazrystaja... jakija kažuć, što "heta źjava nie ŭjaŭlaje niebiaśpieki dla ptušak i ryby", bo
na vychadzie ź miehapolisa (a heta jak raz blizu Łošycy) vada ŭ Śvisłačy - samaja brudnaja ŭ krainie vada
p.s. dla tych, chto nie ŭ Minsku i nie razumieje, tłumaču - Drazdy - na paŭnočnym zachadzie Minska, dzie adnosna čystaja nie tolki vada ŭ Śvisłačy, ale j pavietra, a Łošyca na supraćlehłym uskrajku Minska, dzie ŭsio naadvarot