Źjaviłasia infarmacyja ab tym, što ŭ Mahiloŭskim rajonie inśpiektar DAI z Čerykava naśmierć źbiŭ piensijaniera i źbieh. U adkrytaj zvodcy na sajcie MUS fabuły hetaha DTZ niama, piša TUT.BY.
Miarkujučy pa infarmacyi z zakrytaj zvodki, ranicaj 1 studzienia na ŭzbočynie darohi kala vioski Siemukačy Mahiloŭskaha rajona znajšli trup piensijaniera. Pavodle źniešnich prykmiet mužčynu źbiła mašyna. Piešachod, 62-hadovy miascovy žychar, nie byŭ abaznačany śviatłoadbiŭnymi elemientami.
«Vyśvietlena, što najezd 31 śniežnia ŭ 19.30, kirujučy asabistaj aŭtamašynaj Audi, ździejśniŭ małodšy inśpiektar DPS ADAI Čerykaŭskaha RAUS 1995 hoda naradžeńnia», — havorycca ŭ paviedamleńni.
Miarkujučy pa časie najezdu i vyjaŭleńnia cieła, kiroŭca ź miesca DTZ uciok. Pra jaho fizičny stan u momant avaryi ničoha nie viadoma. Daišnika zatrymali, u dačynieńni da jaho raspačali kryminalnuju spravu za parušeńnie PDR, što paciahnuła pa nieaściarožnaści śmierć čałavieka.
U Siemukačach TUT.BY raspaviali, što trup piensijaniera, sapraŭdy znajšli ranicaj 1 studzienia na ŭzočynie. Mužčynu buduć chavać siońnia, 3 studzienia. A chłopca, jaki byŭ za rulom Audi, u ahraharadku mnohija viedajuć chacia b nahladna.
— Jon da dziaŭčynki svajoj časta pryjazdžaŭ u hości na «aŭdziusie». Jaho Vasia kličuć, — kažuć miascovyja žychary. — A chto jon, jak usio adbyłosia — nieviadoma.
Atrymać aficyjny kamientar u milicyi pakul nie ŭdałosia — na zvanki TUT.BY pres-sakratar UUS rehijona nie adkazvaje.
Fakt śmiarotnaj avaryi 31 śniežnia kala vioski Siemukačy paćvierdziŭ aficyjny pradstaŭnik abłasnoha ŭpraŭleńnia Śledčaha kamiteta Siarhiej Bołsun.
- Sapraŭdy, u SK znachodzicca kryminalnaja sprava ŭ dačynieńni da 23-hadovaha žychara Čerykava. Rasśledavańnie znachodzicca na pačatkovym etapie, tamu pakul niama infarmacyi ab fizičnym stanie kiroŭcy ŭ momant DTZ.
Kamientary