U Stambule adbyłasia pieradača tomasa ab aŭtakiefalii kiraŭniku Pravasłaŭnaj Carkvy Ukrainy FOTA
Suśvietny patryjarch Varfałamiej ŭ Stambule pieradaŭ tomas ab aŭtakiefalii Pravasłaŭnaj Carkvy Ukrainy mitrapalitu Kijeŭskamu i ŭsioj Ukrainy Jepifaniju.
Cyrymonija adbyłasia padčas liturhii ŭ patryjaršym chramie Śviatoha Hieorhija ŭ niadzielu.
Patryjarch Varfałamiej pieradaŭ mitrapalitu Jepifaniju žazło mitrapalita i tomas ab aŭtakiefalii Pravasłaŭnaj Carkvy Ukrainy.
Bohasłužeńnie pravili sumiesna patryjarch Varfałamiej i mitrapalit Jepifanij. U chramie prysutničaŭ prezident Ukrainy Piatro Parašenka, eks-prezident Viktar Juščanka, staršynia Viarchoŭnaj Rady Andrej Parubij i členy ŭkrainskaj delehacyi.
«Jak paśla ciemry načnoj znoŭ uzychodzić sonca, tak i ciapier daŭniaja niespraviadlivaść dziakujučy mudraści vašaj usiaśviataści i śviaščennaha sinoda maci-carkvy skasavana, a spraviadlivaść adnoŭlena… Pry padtrymcy ŭkrainskaj dziaržavy i našaha prezidenta padzieł likvidavany, a adzinstva adnoŭlena», — cytuje vystup mitrapalita Jepifanija na cyrymonii «Ukrainskaja praŭda».
Mitrapalit Jepifanij taksama źviarnuŭsia da maci-carkvy i ŭsich miascovych cerkvaŭ z prośbaj malicca za mir va Ukrainie.
Tranślacyju viała ŭkrainskaja słužba Radyjo «Svaboda».
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary