U listapadzie studentka ŭlikova-ekanamičnaha fakultetu BDEU napisała zajavu ab vychadzie z BRSM praz relihijnyja pierakanańni. Siońnia jana znajšła ŭ paštovaj skryni list z rašeńniem piarvičnaj arhanizacyi, pieradaje Radyjo Svaboda.
Zajavu ab vychadzie z BRSM na fakultecie razhladać admovilisia. I paraili źviarnucca da namieśnika dekana ci samoha dekana. Studentka pajšła z zajavaj da namieśnika dekana, ale toj nakiravaŭ jaje vyšej.
15-ha listapada dekan fakultetu Ŭładzimier Bierazoŭski prasiŭ dziaŭčynu padumać, namiakaŭ zastacca, prasiŭ nie hańbić jaho i ŭ vyniku paraiŭ pryjści paźniej, kab jon mieŭ čas padumać.
«Nie hańbi mianie». Dekan nie ŭchvaliŭ vychadu studentki z BRSM AŬDYJA
Na nastupny dzień dziaŭčyna napisała aficyjnuju zajavu ab vychadzie z arhanizacyi. Rašeńnie ab jaje vyklučeńni z BRSM było pryniataje jašče 29 listapada, ale aznajomicca ź listom asabista studentka zmahła tolki dniami. Da 17 śniežnia jana była abaviazana zdać bilet čalca BRSM i značok, ale hety termin užo pierakročany. Ci buduć u suviazi z hetym pryniatyja niejkija sankcyi suprać studentki, pakul nieviadoma.
Pracedura pryjomu ŭ siabry i vychadu z BRSM prapisanaja statutam abjadnańnia. Siabroŭstva ŭ BRSM moža być spynienaje.
- Pa ŭłasnym žadańni šlacham padačy piśmovaj zajavy ŭ piarvičnuju arhanizacyju HA «BRSM».
- Za hrubaje parušeńnie statutu, systematyčny niaŭdzieł u pracy abjadnańnia albo za dziejańni, jakija niasłaviać dziełavuju reputacyju i nanosiać škodu cełasnaści HA «BRSM».
Pytańnie ab vyklučeńni vyrašajecca ahulnym schodam abo vybarnym orhanam piarvičnaj arhanizacyi BRSM. Taksama heta moža być zroblena vyšejšym kiroŭnym orhanam. Nidzie nia zhadvajecca, što rasčaravanamu ŭ metach i zadačach praŭładnaha sajuzu mohuć čynić pieraškody.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary