Kali ty havoryš pa-biełarusku, heta dapamahaje ŭ bolšaści dziaržaŭnych i niedziaržaŭnych ustanovaŭ. Piša Rusłan Raviaka.
Kali ty havoryš pa-biełarusku, heta dapamahaje ŭ bolšaści dziaržaŭnych i niedziaržaŭnych ustanovaŭ. Piša Rusłan Raviaka.
Na TV tranślujuć novaje šoŭ. Niaviesty ŭdzielničajuć ŭ roznych vyprabavańniach (zabiehach, viktarynach, konkursach). Najlepšaja atrymaje dobry pasah. Hladzić maja žonka…. Jana i paklikała mianie. Chadzi siudy, cikavaje pakažu. Adna maładucha adkazvała na ŭsie pytańni strohaj kamisii tolki pa-biełarusku. U nastupnuju niadzielu žonka radasna paviedamiła, što naša znajomaja zaniała vysokaje miesca. I razmaŭlała, «jak ty, na tvajoj niepravilnaj, niaškolnaj movie. I mužyk jaje taki samy, z tvaich znajomych…»
Žonka dasiul vieryć, što ŭsie biełaruskamoŭnyja viedajuć adzin adnaho.Da šlubu paciahaŭ ja jaje krychu pa našych viečarynach… Žonka, jak i šmat chto, miarkuje, što biełaruskamoŭnych niekalki tysiač, i jany ŭsie viedajuć adzin adnaho i dapamahajuć pry mahčymaści. I hałasujuć adzin za adnaho.
Ale spravy nia ŭ dumkach majoj žonki. Sprava ŭ toj salidarnaści, jakuju dalokija ad biełaruščyny biełarusy ŭjaŭlajuć sabie. Što b ni kazali, a šarahovy biełarus nia vieryć u nieapłatnaść našaha isnavańnia. Maŭlaŭ niešta vam płaciać… Kali nia ŭrad Złučanych Štataŭ, dyk chacia b biełaruskija emihranty, ź jakimi ŭsie biełaruskamoŭnyja abaviazkova ž znajucca. A tyja za akijanam spres zamožnyja i dźvie traciny prybytku vydatkoŭvajuć na biełaruskija spravy... Tak dumaje biełarus.
Dalokija ad palityki ludzi nia vierać u razdraj miž nacyjanalistami. Jak ža, u ich ža va ŭsich jość punkt jadnańnia — mova.
I sapraŭdy, mova!
Znajomyja biełaruskamoŭnyja raspaviadajuć, jak mova dapamahaje ŭ bolšaści dziaržaŭnych ustanovaŭ.Adny čynoŭniki majuć zatojenuju sympatyju da movy. Nia tolki jany — bolšaść ludziej u Biełarusi majuć da jaje sympatyju, navat kali sami nie havorać.
Druhija vielmi ž bajacca skarhaŭ, a biełaruskamoŭny — heta patencyjny skarhapadaŭca. Tamu lepiej pytańnie adrazu vyrašyć, čym paśla adpisvacca.
Pakazalnaja historyja adnaho biełaruskamoŭnaha pradprymalnika z našych Baranavič. Jaho dačka nia zdoleła atrymać internatu ŭ VNU. Maci stamiłasia abivać parohi roznych instancyj. Biełaruskamoŭny baćka źviarnuŭsia ŭ apošniuju instancyju — da sakratarki BRSM navučalnaj ustanovy. Jakoje ž dziva było, kali
sakratarka patryjotaŭ, pačuŭšy rodnuju movu, taksama pieraklučyłasia na jaje.Ciaham kolkich chvilinaŭ pytańnie ź internatam było vyrašana. Najbolš padziviłasia žonka, a paśla znajšła hetamu lahičnaje tłumačeńnie — vy ž biełaruskamoŭnyja adzin adnaho viedajecie i dapamahajecie.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje29
Kamientary