Razborki ŭ «Biełhaziecie»: uładu ŭ dyrektara Kiryła Žyvałoviča pierachapiŭ były palitviazień Andrej Bandarenka
U «Biełhaziecie» adbyłasia źmiena kiraŭnictva, ale raniejšy dyrektar nie źbirajecca zdavacca. Kropku ŭ spravie pastaviać pravaachoŭnyja orhany.
Były palitviazień Andrej Bandarenka ciapier razdaje intervju ŭ jakaści novaha dyrektara TAA «Biełhazieta».
«Papiaredniaje kiraŭnictva samaŭchiliłasia ad kiravańnia haspadarčaj dziejnaściu pradpryjemstva. Biaździejnaść pieršaj asoby, pahoršanaja niedachopam vopytu, vielmi niehatyŭna adbiłasia na finansavym stanoviščy haziety», — prakamientavaŭ jon situacyju «Biełaruskamu partyzanu».
Niekalki hadoŭ ułaśnikam «Biełhaziety» byŭ biznesmien Siarhiej Isajeŭ, a dyrektaram — Ihar Vysocki. Adnak spravy ŭ vydańnia, jakoje tak i nie zmahło pierajści ŭ internet, išli aby-jak, i ŭ kancy 2017 hoda «Biełhazietu» pierakupiŭ žurnalist vydańnia Kirył Žyvałovič.
Čytajcie: Novym ułaśnikam «BiełHaziety» staŭ prychilnik Mikoły Statkieviča (2017)
U Žyvałoviča było 75% statutnaha fonda, i jon staŭ dyrektaram pradpryjemstva. Astatnija 25% naležali Iharu Vysockamu.
Na toje, što adbyłosia ŭ «Biełhaziecie» ŭ pačatku 2019 hoda, jość dva supraćlehłyja pohlady.
Žyvałovič napisaŭ u sacsietkach, što Vysocki i Andrej Bandarenka ažyćciavili «rejdarski zachop redakcyi». Jon nie staŭ bolš padrabiazna kamientavać situacyju karespandentu «Našaj Nivy» da taho momantu, kali budzie dadziena jurydyčnaja acenka situacyi.
Prynamsi źmiena kiraŭnictva adbyłasia bieź jaho zhody.
Andrej Bandarenka trapiŭ u dziŭnuju situacyju niekalki tydniaŭ tamu, kali ad jaho imia pa ŚMI rassyłałasia prapanova atrymać vializny rasijski hrant.
Čytajcie. Ad imia Andreja Bandarenki pa redakcyjach ŚMI rassyłajecca prapanova ŭziać rasijski hrant pamieram $100 tysiač
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?9
Kamientary