Rasijski abaronny partał apisaŭ stratehiju poŭnaha źniščeńnia ZŠA atamnymi ŭdarami

«Siarod novych vidaŭ rasijskaja zbroi — hipierhukavyja kompleksy «Kinžał» i «Avanhard», bieśpiłotniki «Buravieśnik» i «Pasiejdon», łaziernyja kompleksy «Pieraśviet» i mižkantynientalnyja balistyčnyja rakiety «Sarmat», — piša rasijski analityk.

Pavialičyć

«Nie pra ŭsie ich dastatkova źviestak u publičnym dostupie. U tym liku i pra «Pasiejdon» mierkavańni razychodziacca. Da hetaha času niama dakładnych źviestak ab bajavych mahčymaściach hłybakavodnaha bieśpiłotnika nieabmiežavanaj dalokaści dziejańnia ź jadziernaj enierhietyčnaj ustanoŭkaj (JAEU) na borcie.

Pavialičyć

Pieršym tryvohu zabiła amierykanskaje vydańnie Newsweek, ekśpierty jakoha zapadozryli ŭ «Pasiejdonie» adnaŭleńnie prajekta akademika Andreja Sacharava — zvyšvialikaj jadziernaj tarpiedy, zdolnaj nieści jadzierny zarad u 100 miehaton (Mt). Aŭtar artykuła Tom O'Konar piša, što jašče ŭ 2015 hodzie jamu było viadoma ad nienazvanych krynic u Pientahonie pra hetuju ruskuju raspracoŭku. Nibyta vajskoŭcy ZŠA ŭžo nazvali tarpiedu «razburalnikam haradoŭ» (city buster), prysvoiŭšy joj kodavuju nazvu Kanyon.

U kastryčniku 2018 hoda inšaje amierykanskaje vydańnie The National Interest pryśviaciła «Pasiejdonu» artykuł, u jakim ekśpierty sprabavali znajści adkaz na pytańnie: ci možna spynić tarpiedu ź jadziernym ruchavikom, zdolnuju źniščać čužyja horady z dapamohaj cunami? Analityk pa pytańniach VMS Ch.I. Satan na padstavie svajho dośviedu vykazaŭ zdahadku, što «Pasiejdon» budzie šumnym aparatam, jaki lohka zasiakuć sensary donnych datčykaŭ amierykanskaj sistemy SOSUS/IUSS. Tamu dla jaho źniščeńnia treba ŭsio dno la ŭźbiarežža ZŠA «zasiejać» sensarnymi minami, a karabli i samaloty uzbroić zvyšhukavymi supraćłodkavymi rakietami-antytarpiedami.

Amierykanskaha analityka padtrymali niekatoryja rasijskija ekśpierty. Jany navat «parekamiendavali» amierykancam prymianić suprać «Pasiejdona» antytarpiedy MU-90 i CAT (Countermeasure anti-torpedo). A zaadno zrabili i małasuciašalnyja vysnovy.

Pavialičyć

U jakaści «dokazaŭ» bieskarysnaści «Pasiejdona» byli pryviedzieny takija arhumienty:

•  kali ŭžyvuć «Pasiejdon», my ŭsio ŭžo pamrom,
•  «Pasiejdon» ničoha nie dadaje da patencyjału strymlivańnia;
• «Pasiejdon» abaviazkova pierachopiać;
• «Pasiejdon» darahi, tamu lepš pabudavać šmat-šmat cichich atamnych padvodnych łodak z MBR na borcie.

Čym ža na samaj spravie źjaŭlajecca «Pasiejdon» — «zbrojaj prapahandy» abo «zbrojaj adpłaty»?

Tatalnaje paražeńnie

Tak, u adroźnieńnie ad hipierhukavoha «Kinžała» i «Avanharda», aŭtanomny marski bieśpiłotny kompleks «Pasiejdon» nie vałodaje zvyšchutkasnymi paramietrami. Jaho chutkaść, miarkujučy pa adkrytych krynicach infarmacyi, ad 100 da 200 vuzłoŭ, h.zn. ad 185 da 370 km/hadzinu. Adrazu ŭźnikaje pytańnie: što zmoža jaho dahnać na hłybini bolšaj za 1000 mietraŭ? MU-90, jakaja raźvivaje maksimalnuju chutkaść u 50 vuzłoŭ (93 km/h), nie zmoža. Ni na sustrečnym kursie, ni pry vykanańni pierachopu naŭzdahon. Taksama nie zdolnaja heta zrabić i antytarpieda CAT, jakaja pakazała na testach chutkaść 52 vuzły.

Avijacyjnyja donnyja miny siamiejstva Quickstrike (Mk.62, Mk.63, Mk.64 i Mk.65), jak praviła, ustanaŭlivajucca z samalotaŭ na hłybini da 100 mietraŭ ź minnym intervałam 100 mietraŭ. Bolš mahutnyja miny-tarpiedy Mk.60 Captor ustanaŭlivajucca na hłybini da 1000 mietraŭ ź minnym intervałam 2000 mietraŭ. Ale raźmiaščeńnie miny znachodzicca na pałovie hłybini miesca pastanoŭki.

Pavialičyć

Pry hetym ŭstanoŭka ŭzdoŭž usiaho ŭźbiarežža ZŠA sucelnaha minnaha pola paralizuje ŭsiu marskuju łahistyku VMS ZŠA. Mahčymaja aplikacyja ź minnych paloŭ z prachodami, jakija buduć achoŭvacca, ale ŭsio heta zusim nie krytyčna dla «Pasiejdona», navat kali jaho zaŭvažać sistemy dalokaha hidraakustyčnaha nazirańnia.

Možna mierkavać, što da bierahoŭ praciŭnika, jaki zadumaŭ z Rasijaj jadziernuju vajnu, «Pasiejdony» pojduć hrupami. Pieršy kompleks stanie «ŭzłomščykam» minnych paloŭ. Vybuch jaho dvuchsotmiehatonnaha zarada vykliča detanacyju min, rasčyściŭšy šlach astatnim «Pasiejdonam». Vybuch zaradaŭ hetaj hrupy la bierahavoj linii pryviadzie nie tolki da razbureńnia prybiarežnaj vajennaj i hramadzianskaj infrastruktury, ale i stvoryć hihanckuju chvalu radyjeaktyŭnaha cunami. Razbureńni buduć i na vialikaj terytoryi macierykovaj častki.

Viadoma, usio heta — tearetyčnyja vykładki. U realnym hłabalnym kanflikcie z prymianieńniem jadziernaj zbroi sistemy dalokaha hidraakustyčnaha nazirańnia paśla pieršych ža ŭdaraŭ hipierhukavych jadziernych bojehałovak MBR (jany palaciać pieršymi) vyjduć z ładu. Mahutnaje EMV spres vypalić usiu elektroniku aparatury. Tamu adsačyć pusk «Pasiejdon» paprostu nie budzie čym. Takim čynam, nie sustrakajučy procidziejańnia, padvodnyja jadziernyja bieśpiłotniki zrobiać svaju pracu — niepaźbiežnuju tatalnuju adpłatu.

Postapakalipsis: žyvych nie budzie

Pavialičyć

U Amierycy lubiać usio ličyć. Prapanuju taksama paličyć. Viadoma, što ŭ japonskich Chirasimie i Nahasaki zahinuła prykładna pa 100 tysiač čałaviek u kožnym. U 1945-m mahutnaść jadziernych bombaŭ skłała ŭ siarednim 20 kiłaton, h.zn. 1 kiłatona imhnienna zabrała žyćci 5000 čałaviek. Adna naša novaja MBR RS-28 «Sarmat» zdolnaja dastavić ad 6,75 da 7,5 jadziernych miehaton. Heta moža zabrać žyćci ad 33,75 da 37,5 młn čałaviek u hustanasielenych rajonach ZŠA. Dziesiać «Sarmataŭ» źniščać usio amierykanskaje nasielnictva.

Pry hłabalnym kanflikcie z prymianieńniem jadziernaj zbroi abmien udarami z vykarystańniem MBR rana ci pozna skančajecca. Pry hetym u praciŭnika zastanucca bajazdolnymi tyja padraździaleńni Uzbrojenych siłaŭ, jakija znachodzilisia ŭ baku ad epicentraŭ jadziernych vybuchaŭ. Jany buduć zdolnyja praciahvać bajavyja dziejańni ŭ postapakaliptyčnych umovach. Zachavajuć pracazdolnaść najbolš abaronienyja pramysłovyja centry, častkova zachavajecca sietka transpartnych kamunikacyj, ucalejuć małyja i siarednija harady. Voś mienavita tady «Pasiejdony» i mohuć skazać apošniaje słova ŭ hłabalnaj vajnie.

Naprykład, viadoma, što 80 pracentaŭ nasielnictva Złučanych Štataŭ Amieryki žyvie ŭ asnoŭnym na Zachodnim i Uschodnim uźbiarežžy. Tearetyčna mahčyma zaprahramavać padryŭ dvuchsotmiehatonnych zaradaŭ tak, što efiektyŭnaść i nastupstvy ad ich prymianieńnia stanuć tatalna katastrafičnymi. Razhrom paśla mahutnych jadziernych vybuchaŭ dapoŭniać hihanckija cunami i samyja mocnyja siejśmičnyja šturški. U vyniku na kantynientalnaj častcy ZŠA praktyčna nie zastaniecca miescaŭ, nie paciarpiełych ad nastupstvaŭ vykarystańnia jadziernaj zbroi. Razburana i zaražana budzie ŭsio: i sotni tysiač kvadratnych kiłamietraŭ macierykovaj terytoryi, i prybiarežnaja akvatoryja. Nichto nie vyžyvie», — piša Leankoŭ.

«Atrymlivajecca, što pry lubym scenary napadu na Rasiju ahresar budzie źniščany całkam», — padsumoŭvaje analityk.

• 0
• 0
• 0
• 0
• 0
• 0
• 0
• 0