Lasy składajuć 40,5 % terytoryi Biełarusi, i kraina zajmaje druhoje miesca pa lasistaści siarod dziaržaŭ SND. Takija źviestki pryvioŭ Biełstat, pišuć Minsk-naviny.
Ahulnaja płošča Biełarusi składaje 20 762,9 tys. ha. Sielskahaspadarčyja ziemli zajmajuć 38,2 % terytoryi, jašče 5,7 % prypadaje na bałoty i vodnyja abjekty. Lasny fond na 1 studzienia 2026 hoda skłaŭ 9 801,4 tys. ha.
Asabliva achoŭnyja pryrodnyja terytoryi zajmajuć 1 903 tys. ha, abo 9,2 % płoščy krainy. U Biełarusi dziejničajuć adzin zapaviednik, čatyry nacyjanalnyja parki, 375 zakaźnikaŭ i 976 pomnikaŭ pryrody.
U Čyrvonuju knihu ŭ 2025 hodzie ŭklučany 310 vidaŭ dzikarosłych raślin i 213 vidaŭ dzikich žyvioł. Siarod redkich čyrvanaknižnych vidaŭ najbolš reptylij — 28,6 %. Na druhim miescy znachodziacca mlekakormiačyja (26,5 %), na trecim — ptuški (20,6 %).
Kamientary