Minčuku pazvanili z palikliniki, spytali pra zdaroŭje — strata 14 tysiač rubloŭ
Historyja raźvivałasia pa zvykłym scenary. U miesiendžary 39‑hadovamu mužčynu pazvaniła nieviadomaja, jakaja pradstaviłasia supracoŭnicaj miascovaj palikliniki, paviedamlaje «Milicyja Minska».
Jana cikaviłasia danymi jaho miedycynskaj karty, spytała pra najaŭnaść prablem sa zdaroŭjem, udakładniła numar telefona dla pryviazki da elektronnaj karty i papiaredziła, što zaraz pryjdzie kod, jaki treba budzie pradyktavać.
Nieŭzabavie minčuku patelefanavali nibyta z servisu «Je-pasłuha» i paviedamili, što jaho asabistyja danyja skapijavany, a złamyśniki ŭžo aformili ad jaho imia kredyty ŭ bankach.
Mužčynu papiaredzili, što ź im źviažucca supracoŭniki Nacbanka, jakija daduć dalejšyja instrukcyi. Paśla hetaha łžesupracoŭniki banka paćvierdzili, što na minčuka nibyta sapraŭdy aformleny kredyty, a hrošy vyvodziacca za miažu.
Kab paźbiehnuć kryminalnaj adkaznaści i dakazać niaŭdzieł u złačynnych pazykach, zajaŭnik sabraŭ usie svaje hrošy i pieravioŭ 14 000 rubloŭ na rachunak, ukazany machlarami. I tolki potym jon zrazumieŭ, što staŭ achviaraj abmanu.
Zaviedziena kryminalnaja sprava.
Kamientary
MVD.GOV.BY V otnošienii Vas vyniesieno postanovlenije № taki-to po staťje 18.12 č.1 KoAP ot ...04.2026. Podrobnieje v ličnom kabinietie na mvd.gov.by (spassyłka)
siońnia prychodzić sms -
guvd.gov.by Postupajet soobŝienije o nieopłačiennom štrafie v HAI so ssyłkoj na "sajt MVD" - novyj vid mošieńničiestva. Bud́tie bditielny
što ž vy tak pozna papiaredžvajecie? dobra, što ŭ mianie mašyny niama. a tak by moža i ja klunuła, choć daloka nie schilnaja vieryć mašeńnikam