Zatrymali dvaich žycharoŭ stalicy, jakija arhanizavali «biznes» pa ŭchileńni ad padatkaŭ.
Dvoje mužčyn rehularna adkryvali firmy na padstaŭnych asobaŭ, vykarystoŭvajučy asacyjalnych elemientaŭ i narkamanaŭ. Za afarmleńnie «kiraŭnik» takoj firmy atrymlivaŭ ad 100 da 300 dalaraŭ. Siońnia, darečy, na šerah «kiraŭnikoŭ» zaviedzienyja kryminalnyja spravy za raspaŭsiud narkotykaŭ, paviedamlaje Kamitet dziaržkantrolu.
Paśla rehistracyi łžepradprymalnickich struktur udzielniki złačynnaj hrupy na zamovu svaich partnioraŭ afarmlali padroblenyja buchhałtarskija dakumienty: nibyta ažyćciaŭlajucca haspadarčyja apieracyi.
Da pasłuh arhanizataraŭ źviartalisia kamiercyjnyja pradpryjemstvy, jakija pracavali ŭ roznych śfierach: pierapracoŭka i realizacyja čornych i kalarovych mietałaŭ, aptovy handal aŭtazapčastkami i kamplektujučymi dla hruzavych aŭtamabilaŭ i sielhastechniki, u tym liku pastaŭka zapčastak dziaržpradpryjemstvam.
Naprykład, pradpryjemstva zakuplała za najaŭny raźlik u Rasii aŭtazapčastki i pradavała ich biełaruskim subjektam haspadarańnia. Pry hetym u buchhałtarski ŭlik firmy-pradaŭca źmiaščalisia fiktyŭnyja dakumienty, jakija skažali pamier vydatkaŭ.
Za dapamohu va ŭchileńni ad vypłaty padatkaŭ u asabliva bujnym pamiery na aŭtaraŭ schiemy zaviali kryminalnuju spravu. Ciapier mužčynam pahražaje da 7 hadoŭ.
Ahułam padazravanyja dapamahli nie dapłacić bolš za 1,3 miljona rubloŭ padatkaŭ. Ciapier ich majomaść aryštavali, kanfiskavali ŭsie zapisy i kampjutarnuju techniku. Taksama pravodzicca pravierka dziejnaści klijentaŭ «finansavaj pralni».
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny43
Kamientary