U Smarhoni adbyłasia prezentacyja knihi paezii i prozy Darji Lis.
U Smarhoni adbyłasia prezentacyja knihi paezii i prozy Darji Lisz Zaleśsia. Knihu padrychtavaŭ da vydańnia Ruch za Svabodu, jana vyjšła ŭ seryi «Haradzienskaja biblijateka».
Heta debiut Darji Lis, pieršaja jaje kniha. Jak haradziency znajšli aŭtarku, daviedalisia pra jaje tvory? Apaviadaje Pavał Mažejka z Ruchu «Za svabodu» z Horadni:
«Kniha Darji Lis nazyvajecca «Viasnovy džaz». Paznajomilisia my z Dašaj absalutna vypadkova. Źviarnuŭsia da nas z prośbaj nadrukavać jaje knihu Alaksandar Milinkievič. Jon byŭ na Smarhonščynie, i miascovyja aktyvisty paprasili jaho ab hetym. U svaju čarhu ja prapanavaŭ, kab pradmovu da jaje knihi napisała Danuta Bičel. Kniha ŭ značnaj stupieni zroblena hramadzkim čynam haradziencaŭ: vokładka, šychtoŭla, karektura i druk».
Darja Lis maje abmiežavanyja fizyčnyja mahčymaści. Ale nieabmiežavanyja jaje duchoŭnyja mahčymaści. Jana pisała dla «Našaj Nivy», radyjo «Svaboda», dapamahała ruchu invalidaŭ‑vazočnikaŭ. Da jaje hornucca ludzi ŭ jaje malaŭničym Zaleśsi.
Pra što kniha? Adkazvaje sama aŭtarka: «Maja kniha — heta zbornik apaviadańniaŭ i vieršaŭ. Vieršy — pra toje, što chvaluje ŭ žyćci, u palitycy, u kachańni. Apaviadańni — heta chutčej historyi roznych ludziej, historyi, jakija ŭ niejkaj stupieni majuć dačynieńnie da mianie albo da siabroŭ».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary