«Ja pryjšoŭ u partyju pa nastojlivaj prośbie (mianie prasili stać lideram partyi, heta ni dla kaho nie sakret), kab joj dapamahčy. I dapamoh».
«Ja za kresła nikoli nie zmahaŭsia. Ja pryjšoŭ u partyju pa nastojlivaj prośbie (mianie prasili stać lideram partyi, heta ni dla kaho nie sakret), kab joj dapamahčy.Ja pryjšoŭ i dapamoh» — takuju zajavu, kamientujučy svoj vychad ź Biełaruskaj sacyjał‑demakratyčnaj partyi (Hramada), u intervju BiełaPAN zrabiŭ hanarovy staršynia partyi, eks‑kandydat u prezidenty Alaksandr Kazulin.
A.Kazulin zajaviŭ pra vychad z BSDP (Hramada) 21 śniežnia na pasiadžeńni Centralnaha kamiteta partyi.
Hetym rašeńniem jon aŭtamatyčna skłaŭ ź siabie paŭnamoctvy hanarovaha staršyni partyi, jakimi byŭ nadzieleny ŭ adpaviednaści z rašeńniem pazačarhovaha źjezda BSDP (Hramada) 3 žniŭnia hetaha hoda. Na pasadu staršyni partyi źjezd abraŭ Anatola Laŭkoviča, jaki raniej byŭ pieršym namieśnikam A.Kazulina.
«Ja doŭha dumaŭ, ci prymać zvańnie hanarovaha staršyni partyi, jakoje było vyznačana mnie na apošnim źjeździe BSDP (Hramada). Ja vyrašyŭ, što heta častka majho žyćcia, i vyrašyŭ jaho pakinuć. U partyi jość vialikaja kolkaść sumlennych i dobrych ludziej, jakija mnie dapamahali», — zaznačyŭ A.Kazulin.
U najbližejšy čas palityk maje namier ažyćciavić šerah pajezdak u rehijony. «Vielmi mnohija ludzi klikali mianie naviedać rehijony, raskazać pra svajo bačańnie dalejšych pierśpiektyŭ. Adnak zrabić heta raniej značyła b stvaryć atmaśfieru paddyvannych intryh i kanfliktaŭ u partyi, stvaryć ŭražańnie, što ja źbirajusia zmahacca za kresła, što ja źbirajusia być staršynioj partyi. I heta b uniesła dezarhanizacyju ŭ dziejańni BSDP (Hramada).
Tamu ciapier, kali ja svabodny ad abaviazacielstvaŭ pierad partyjaj, ad adkaznaści lidera ŭ partyi, ja mahu sustrakacca ź ludźmi i spakojna ź imi razmaŭlać», — skazaŭ A.Kazulin.
Na pytańnie, ci nie źbirajecca A.Kazulin adnavić ruch «Vola narodu», inicyjataram stvareńnia jakoha jon niekali źjaŭlaŭsia, palityk adkazaŭ: «Ja ciapier źbirajusia žyć. Hetaha dastatkova».
Va Ukrainie zahinuła 24-hadovaja biełaruskaja dobraachvotnica Maryja Zajcava12
Kamientary