Arcybiskup Tadevuš Kandrusievič nakiravaŭ adkryty list staršyni Pałaty pradstaŭnikoŭ Uładzimiru Andrejčanku i ministru achovy zdaroŭja Valeryju Małašku. Kandrusievič zajaviŭ, što Katalicki kaścioł vystupaje suprać taho, kab finansavać pieršuju sprobu ekstrakarparalnaha apładnieńnia (EKA) za košt biudžetu i nazvaŭ 9 arhumientaŭ.
1. Vučeńnie Katalickaha kaścioła vystupaje suprać EKA, tamu što «hetaja pracedura parušaje śviataść aktu začaćcia, jak heta zadumana Stvorcam». Začaćcie stanovicca vynikam supracoŭnictva pamiž žančynaj i ŭračom, i heta nanosić udar pa ajcoŭstvu, tamu što baćka faktyčna akazvajecca vyklučanym z pracesu začaćcia svajho dziciaci.
2. Pracedura EKA niemahčymaja bieź źniščeńnia embryjonaŭ, kožny ź jakich maje takoje ž prava na žyćcio, adznačaje Kandrusievič.
3. EKA — heta vielizarny biźnies na čałaviečaj biadzie, miarkuje arcybiskup.
«Tamu pradstaŭnikami hetaha biźniesu i źviazanymi ź imi miedycynskimi strukturami zamoŭčvajucca ciažkija, časam katastrafičnyja nastupstvy hetaj pracedury dla žančyny, a taksama dadzienyja ab słabym zdaroŭi, a časam invalidnaści dziaciej, začatych takim nienaturalnym čynam», — piša Kandrusievič.
4. Taksama ŭźnikaje vialikaje pytańnie ab tym, ci zmohuć dzieci, začatyja pry dapamozie hetaj pracedury, samastojna stać baćkami, adznačaje kiraŭnik Katalickaha kaścioła ŭ Biełarusi.
5. EKA adkryvaje šyrokija mahčymaści dla surahatnaha maciarynstva i handlu dziećmi, miarkuje Kandrusievič.
6. «Finansavańnie hetaj biesčałaviečnaj pracedury za košt biudžetu robić nas usich adkaznymi za hetaje zło, z čym my nie možam pahadzicca»,
— piša arcybiskup.
7. EKA stała adpraŭnym punktam dla hienietyčnaj inžynieryi, kłanavańnia, pre-impłantacyjnych hienietyčnych dyjahnazaŭ (adsiavańnie embryjonaŭ), zboru stvałavych kletak embryjonaŭ, daśledavańniaŭ pa dzieciach ad troch baćkoŭ i hibrydach čałavieka i žyvioł.
8. Kandrusievič adznačaje, što dzicia — heta nie reč, prava vałodańnia jakoj dajecca baćkam.
«Nichto nie moža patrabavać dla siabie takich pravoŭ. Biaspłodździe — heta vialiki ciažar i surovaje vyprabavańnie dla sužonkaŭ, ale čałaviečaja hodnaść nie moža być pryniesiena ŭ achviaru dziela mety vałodańnia dziciem».
9. Dla biaździetnych sužonkaŭ zaŭsiody zastajucca aktualnymi ŭsynaŭleńnie, patranatnaje vychavańnie abo inšyja formy dapamohi dzieciam, jakija zastalisia biez apieki baćkoŭ (u biełaruskich damach-internatach znachodziacca 3,4 tysiačy dziaciej-sirot, pazbaŭlenych baćkoŭskaj apieki), adznačaje Tadevuš Kandrusievič.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak11
Kamientary