Dalejšaje pavyšeńnie roli Biełarusi ŭ rehijanalnaj i suśvietnaj palitycy zastajecca hałoŭnaj palityčnaj zadačaj Ministerstva zamiežnych spraŭ. Ab hetym kiraŭnik zamiežnapalityčnaha viedamstva Uładzimir Makiej zajaviŭ siońnia na pašyranym pasiadžeńni kalehii MZS, piša BiełTA.
Uładzimir Makiej adznačyŭ, što dla Biełarusi 2018 hod byŭ adnačasova napružanym i vynikovym. Pavodle jaho słoŭ, u niaprostych źniešnich umovach kraina vytrymała kurs na zabieśpiačeńnie suvierenitetu, praviadzieńnie niezaležnaj zbałansavanaj i šmatviektarnaj palityki, raźvićcio intehracyjnych pracesaŭ na jeŭrazijskaj prastory, dyviersifikacyju źniešniaha handlu, umacavańnie biaśpieki ŭ rehijanalnym i hłabalnym maštabach.
«Dalejšaje pavyšeńnie roli Biełarusi ŭ rehijanalnaj i suśvietnaj palitycy zastajecca našaj hałoŭnaj palityčnaj zadačaj na pierśpiektyvu», - padkreśliŭ ministr.
Jon źviarnuŭ uvahu, što pa miery taho, jak u śviecie abvastrajecca situacyja ŭ śfiery biaśpieki, u partnioraŭ Biełarusi, u tym liku zachodnich, macnieje adčuvańnie svoječasovaści i metazhodnaści biełaruskaj inicyjatyvy ab arhanizacyi novaha šyrokaha dyjałohu, anałahičnaha Chielsinkskamu pracesu. «U 2019 hodzie nam nieabchodna naroščvać krytyčnuju masu prychilnikaŭ hetaj idei, nastojliva łabiravać palityčnyja elity, hramadskija struktury, ekśpiertnyja supolnaści», - skazaŭ Uładzimir Makiej.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary