U Breście znoŭ zatrymlivajuć ludziej pierad čarhovaj prahułkaj-pratestam suprać akumulatarnaha zavoda
U Breście zatrymanyja žurnalisty Miłana Charytonava i Aleś Laŭčuk, paviedamiła Charytonava ŭ siabie ŭ fejsbuku. Heta zdaryłasia napiaredadni čarhovaha «karmleńnia hałuboŭ» na płoščy Lenina i prahułki pa centry horada. Takim čynam žychary Bresta pratestujuć suprać pabudovy ŭ pryharadzie horada akumulatarnaha zavoda. Ludzi ličać, što ŭźviadzieńnie takoha pradpryjemstva pryviadzie da atručvańnia navakolla śvincom.
U minułyja niadzieli milicyja nie raz zatrymlivała aktyvista Abjadnanaj hramadzianskaj partyi Alaksandra Kabanava, akciora-błohiera Siarhieja Piatruchina i adstaŭnoha vajskoŭca, pravaabaroncu Uładzimira Vialičkina.
Kabanava i Piatruchina ŭłady ličać zavadatarami pratestu.
Zachapleńnie nastojlivaściu pratestoŭcaŭ u Breście na minułym tydni vyrvałasia ŭ kiraŭnika Savieta Respubliki Michaiła Miaśnikoviča. «Arhanizujucca samastojna, vystupajuć za vyrašeńnie łakalnych prablem, aktyŭna pradstaŭleny ŭ internecie, majuć ruchomaść i chutkaść reahavańnia, hatovyja aktyŭna i publična adstojvać svaje intaresy», — skazaŭ Miaśnikovič.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary