Skandynaŭskija palityki naminavali 16-hadovuju šviedskuju školnicu Hretu Turnbierh na Nobieleŭskuju premiju miru za jaje ŭkład u ruch za baraćbu z hłabalnym paciapleńniem, paviedamlaje vydańnie Aftonbladet.
«Vielmi hanarova i pryjemna być naminavanaj na takuju važnuju premiju. Heta niejmavierna i krychu dziŭna», — skazała Hreta ŭ intervju Aftonbladet.
Ź inicyjatyvaj vystupili šviedskija palityki Jens Cholm i Chokan Śvienielinh, jakija pradstaŭlajuć u parłamiencie Levuju partyju, a taksama šerah narviežskich palitykaŭ.
Junaja šviedka pryciahnuła ŭvahu ŚMI, kali ŭ žniŭni 2018 hoda pačała adzinočny «školny strajk» pierad budynkam parłamienta ŭ Stakholmie. Jana zajaviła, što nie budzie naviedvać škołu, pakul šviedskija palityki nie pačnuć vykonvać umovy Paryžskaj damovy pa skaračeńni škodnych vykidaŭ. Hretu Turnbierh zaprašali vystupać na kanfierencyi AAN pa pytańniach klimatu i na Suśvietnym ekanamičnym forumie ŭ Davosie. Jana natchniła tysiačy školnikaŭ pa ŭsioj Jeŭropie, prytrymlivajučysia jaje prykładu, vyjści na vulicy, kab pryciahnuć uvahu da prablemy źmianieńnia klimatu.
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary