Mer Minska raspavioŭ, ci jość pierśpiektyvy ŭ chutkasnaha tramvaja ŭ stalicy
Rašeńnie ab realizacyi prajekta chutkasnaha tramvaja ŭ Miensku budzie pryniata paśla raspracoŭki biznes-płana.
Pra heta ŭ intervju BiełTA paviedamiŭ staršynia Minharvykankama Anatol Sivak.
«Časta my pryvykli spačatku budavać, a potym pytacca, čamu niama efiektu. Tamu siońnia nielha skazać, što prajekt budzie realizavany całkam. Idzie abmierkavańnie i rychtujecca surjozny biznes-płan», - prainfarmavaŭ mer. Hety dakumient pavinien pakazać usie aśpiekty: i canu, i sabiekošt pieravozki. Taksama ŭ im płanujecca paraŭnać usie momanty prajekta z takimi vidami transpartu, jak mietro i aŭtobus. «I kali ŭsie ŭzhadnieńni, ekśpiertyzy pakažuć vyhadu prajekta, to tady my zmožam pretendavać na kredytnyja resursy.
A kali efiektu nie atrymajecca, to i prajekta nie budzie», — dadaŭ Anatol Sivak.
Miarkujecca, što tramvaj budzie pieravozić pasažyraŭ ź mikrarajona Sucharava ŭ rajon vulicy Kalvaryjskaj (pobač sa stancyjaj mietro «Maładziožnaja» i prypynkam haradskoj elektryčki Minsk-Paŭnočny). Zareziervavanaja terytoryja pad prakładku tramvajnych šlachoŭ praz vulicy Panamarenki, Charkaŭskaja.
Taki tramvaj moh by stać alternatyvaj mietro, pakolki zhodna z prajektam maje mahčymaść ruchacca z karotkimi intervałami i vialikaj chutkaściu, kab pieravozić jak maha bolš pasažyraŭ. Da taho ž budaŭnictva chutkasnaha tramvaja abyjdziecca tańniej, čym prakładka novych linij mietro.
«U hienpłanie pakazana, što kančatkovym prypynkam tramvaja stanie stancyja Minsk-Pasažyrski. Na moj pohlad, nie treba zvodzić usio da hetaj stancyi, a rabić sistemu transpartna-pierasadkavych vuzłoŭ», - praciahnuŭ staršynia Minharvykankama.
«U nas jość karta, dzie paznačany ŭsie takija vuzły. U pieršuju čarhu heta, viadoma, stancyja Minsk-Pasažyrski, zatym - stancyja mietro «Maładziožnaja» — prypynak Minsk-Paŭnočny, vulica Kižavatava — stancyja mietro «Słucki haściniec» i inš. Darečy, my čakajem, što ŭ hetaj suviazi stancyja Minsk-Paŭnočny moža stać alternatyvaj stancyi Minsk-Pasažyrski», — adznačyŭ Anatol Sivak.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym5
Kamientary