Ironija losu, abo Ź ciažkim hazam

Kožny hod pačynajecca z taho, što Rasija kamuści pierakryvaje haz. Našto Kramlu toje? I jak baronicca Kijeŭ? Piša Barys Tumar.

Za 2008 hod Ukrainie ŭdałosia nazapasić rekordnyja reziervy hazu ŭ padziemnych hazaschoviščach. Jana daviała ich da 30 młrd kub. m, ź jakich 17 młrd naležali dziaržaŭnamu «Naftahazu». Dla paraŭnańnia: hadavoje spažyvańnie hazu składała ŭ 2008 kala 56 młrd t, pryčym ź ich sama Ŭkraina zdabyvaje 20 młrd. Da taho ž, častku hazu možna zamianić mazutaj. «Štodzionnaje spažyvańnie z zapasaŭ u pieršyja 6 maroznych dzion rasijskaj błakady składała kala 200 młn kub. m», — zajaviŭ vice‑premjer uradu Aleh Dubina.

Miž tym «Hazprom» maje minimalnyja zapasy hazu ŭ Baŭharyi, Charvatyi, Makiedonii i paraŭnalna nievialikija zapasy ŭ Słavaččynie, Polščy, Rumynii, Hrecyi, Italii, Bośnii ii Hiercahavinie, Aŭstryi, Niamieččynie, Francyi, Vuhorščynie, Turcyi, Małdovie, Čechii — krainach, što paciarpieli ad rasijska‑ŭkrainskaj hazavaj sprečki.

Pikantna, što pieršym pavarot rubilnika na rasijska‑ŭkrainskaj miažy adčuła Prydniastroŭje – klijenckaja terytoryja Maskvy miž Ukrainaj i Małdovaj. Tyraspal staŭ pieršym horadam Jeŭropy, dzie pierakryćcio hazu adbiłasia adklučeńniem ciopłaj vady i źnižeńniem tempieratury ŭ damach.

Pieravaha ŭ zapasach hazu dazvalaje Kijevu adčuvać siabie adnosna peŭna. Va Ŭkrainie spadziajucca, što «Hazprom» zdasca pieršy i chaładnakroŭna viaduć handal.

Rasija patrabavała z Ukrainy 250 dalaraŭ za tysiaču kubamietraŭ pry zachavańni staŭki za tranzit na ŭzroŭni 2008 hodu. Ukraina pahadžałasia na 235 dalaraŭ i patrabavała rostu apłaty za tranzit (1,7 dalara na siońnia).

Rasijskuju hramadskuju dumku da kanfliktu rychtavali zahadzia. Sprečcy papiaredničała biesprecedentnaja antyŭkrainskaja kampanija ŭ rasijskich ŚMI. Ukrainu, siarod inšaha, źvinavačvali – bieź nijakich na toje dokazaŭ – va ŭdziele ŭ bajach u Asiecii na baku Hruzii. Rasijskija ŚMI zamaŭčali toj fakt, što pastaŭki hazu byli spynienyja pavodle rekamiendacyi rasijskich mytnych słužbaŭ, bo adsutničała jurydyčnaja padstava dla tranzitu hazu.

Rasijskaje TV zajaŭlaje, što Ŭkraina sama pierakryła 3 z čatyroch kranaŭ na miažy i ŭchilajecca ad pieramovaŭ.

Pavodle niekatorych acenak, u adpaviednaści z rasijska‑ŭkrainskim trochhadovym kantraktam cana sioleta pavinna była b uzraści da 238 dalaraŭ. Sa staŭkami na tranzit ciažej – jany roznyja ŭ roznych krainach i varjujucca ad 1 da 6 dalaraŭ. Pavodle kantraktu jany pavinny byli zachavacca na ŭzroŭni 1,7 da kanca 2010 hodu. Adnak Ukrajina miarkuje, što pierahlad cenavoj formuły pa hazie vymahaje pierahladu i tranzitnaje staŭki.

Hazavyja kanflikty skałanali Jeŭropu ŭvieś čas paśla Aranžavaj revalucyi ŭ Kijevie. Heta jak film, što paŭtarajecca na Novy hod z hodu ŭ hod. Haz pa čarzie adklučali Ŭkrainie i Biełarusi, kožny raz bieź vialikaha efiektu, ale z škodaj dla reputacyi bakoŭ. Na hety raz iznoŭ Jeŭropa dosyć skieptyčna adreahavała na pijar‑kampaniju Maskvy. Rasija, darečy, u adroźnieńnie ad Ukrainy, nie padpisała Jeŭrapiejskuju enierhietyčnuju chartyju.

Možna mierkavać, što

metaj Pucina jość nie tolki šantaž Ukrainy, kolki sproba stvaryć štučny deficyt enierhanośbitaŭ u Jeŭropie, kab uźniać ceny na naftu,

• 0
• 0
• 0
• 0
• 0
• 0
• 0
• 0