Biełaruska žyvie ŭ Partuhalii, śpiavaje biełaruski folk i źbiraje poŭnyja zały VIDEA
Prapanujem čytačam pačać znajomstva z tvorčaściu hurta Mova Dreva z klipa na pieśniu «Krasna sonca».
Usie kampazicyi «Mova dreva» naradžajucca ź biełaruskaha falkłoru. Sam prajekt paŭstaŭ piać hod tamu ŭ Lisabonie. Miascovych muzykaŭ zhurtavała kampazitarka Kaciaryna Ldokava, biełaruska, jakaja atrymała ŭ Partuhalii muzyčnuju adukacyju i žyvie tut, piša tuzinfm.by.
Jana imkniecca nadać biełaruskim narodnym śpievam novaje hučańnie i novy sens pad natchnieńniem ad roznych kulturaŭ i tradycyjaŭ. Adsiul i nazva. Kaciaryna kaža, što mietafara «mova dreva» adsyłaje ŭ śviet žyvoj pryrody, u śviet lehiendaŭ i padańniaŭ, jakija napisanyja na adzinaj dla ŭsich movie.
Tekst «Krasna sonca» śpiavačka ŭziała z materyjałaŭ ekśpiedycyi Zinaidy Mažejki. Aŭtarskaja muzyka da jaje paŭstała letaś uviesnu. A nieŭzabavie režysior Brunu Suareš źniaŭ videa. Kaciaryna napisała muzyku dla jahonaha karotkamietražnaha filma, a jon na znak padziaki zrabiŭ videaklip na «Krasna sonca».
Zdymali niepadalok ad Lisabona — la zakinutaha majontka. «Niekali tut ćvili sady i žyli ludzi, a paśla ničoha nie zastałosia. Hety siužet pierahukvajecca z historyjaj piesień: bolšaść ź ich taksama ŭžo nidzie nie žyvie», — zaŭvažaje śpiavačka i dadaje, što jana začaravanaja dobrymi, sardečnymi dy adnačasova prostymi dy šmathrannymi biełaruskimi śpievami. I hetaje svajo zachapleńnie jana choča pieradać u pieršym albomie «Mova Dreva», jaki ciapier rychtujecca da vydańnia.
Kamientary