Rašeńnie ab adklučeńni aciapleńnia ŭ hramadskich i administracyjnych budynkach, na pradpryjemstvach Minska, a taksama ŭ inšych katehoryj spažyŭcoŭ jašče nie pryniata, paviedamiła BiełTA načalnik upraŭleńnia haradskoj haspadarki i enierhietyki Minharvykankama Maryna Małajeva.
Aciaplalny siezon u Minsku pakul praciahvajecca, u toj čas jak hod tamu z 5 krasavika ŭžo stali chałodnymi batarei ŭ hramadskich i administracyjnych budynkach, na pradpryjemstvach.
U Minharvykankamie sočać za prahnozam nadvorja: kali ŭstalujecca patrebny tempieraturny režym, tady i budzie spynienaja padača ciapła ŭ adpaviednaści z čarhovaściu.
Pa zakanadaŭstvie abłvykankamy i Minharvykankam prymajuć rašeńnie ab adklučeńni aciapleńnia, kali na praciahu piaci dzion siaredniesutačnaja tempieratura ŭtrymlivajecca na adznacy + 8°S i vyšej.
Kamientary