
kremlin.ru
Były prezident Kazachstana Nursułtan Nazarbajeŭ budzie pryznačany hanarovym staršynioj Jeŭrazijskaha ekanamičnaha sajuza, paviedamlaje «Kommiersant» sa spasyłkaj na ŭłasnyja krynicy ŭ strukturach JEAES.
Miarkujecca, što admysłovaja pasada budzie zasnavana 29 maja ŭ Nur-Sułtanie na pasiadžeńni ŭ honar piacihodździa JEAES z udziełam prezidentaŭ Rasii, Biełarusi, Kazachstana, Kyrhyzstana i Armienii.
Pasada hanarovaha staršyni dastaniecca Nazarbajevu, bo mienavita jon vystupiŭ ź idejaj stvareńnia ekanamičnaha sajuza, adznačajuć surazmoŭcy haziety. Jaho budučyja paŭnamoctvy ŭ ramkach hetaj pasady pakul nie vyznačany, ale miarkujecca, što Nazarbajeŭ «zmoža pradstaŭlać JEAES pierad čužymi hulcami».
Kamientary