Rasija celiłasia i ŭ Biełaruś, kali prymała žorstkija sankcyi suprać Ukrainy i zabaraniała ekspart rasijskaj nafty i naftapraduktaŭ u hetuju krainu, ličać niekatoryja rasijskija ekśpierty.
Dyrektar Fondu nacyjanalnaj enierhietyčnaj biaśpieki Kanstancin Simanaŭ i intervju «Kommiersantu» vykazaŭ zdahadku:
«Mahčyma, heta źjaŭlajecca čarhovym krokam, nacelenym na novyja ŭdary mienavita pa Minsku. Kali heta tak, dalej pojduć zajavy na temu, jakija jany drennyja, što pastaŭlajuć naftapradukty na Ukrainu, choć jana [Biełaruś — red.] hetaha asabliva i nie ŭtojvaje, u aficyjnaj statystycy ŭsio zakładziena. Niedzie 40% pastavak iduć ź Biełarusi, i ich strata stanie vialikaj prablemaj dla Ukrainy. Choć rynak nafty dastatkova hnutki, heta ŭsio ž taki nie pryrodny haz, znajści alternatyvu značna praściej, choć zrazumieła, što heta zapatrabuje niejkaha času, pieranaładki.
Tak što tut nasamreč bjuć pieršapačatkova nie pa Ukrainie, a, chutčej, pa Biełarusi».
«Kali ŭzhadać usiu historyju našych «vydatnych» adnosin ź Biełaruśsiu ŭ apošnija miesiacy, to možna mierkavać, što heta čarhovaja preambuła: spačatku my ŭvodzim zabaronu na pastaŭki naftapraduktaŭ na Ukrainu, potym patrabujem, kab Biełaruś taksama spyniła pastaŭki, inakš my spynim pastaŭki nafty», — kaža Simanaŭ «Vzhladu».
Pra toje, što z ekspartam naftapraduktaŭ ź Biełarusi va Ukrainu mohuć uźniknuć prablemy, paviedamlajuć taksama «Viesti Ekonomika».
«Pavodle mižuradavaha pahadnieńnia Biełaruś atrymlivaje z Rasii naftu pa cenach rasijskaha ŭnutranaha rynku i pavinna viartać uvieś bienzin na rasijski rynak (akramia svajho spažyvańnia). Ale heta pahadnieńnie nie vykonvajecca. Častka bienzinu sychodzić na rynak Ukrainy», — paviedamlaje Rustam Tankajeŭ, viadučy ekśpiert Sajuza naftapramysłoŭcaŭ.
«Viesti Ekonomika» adznačaje, što biełaruskija NPZ pracujuć na rasijskaj syravinie, jakuju ciapier nielha pradavać Ukrainie.
«Uličvajučy paharšeńnie stasunkaŭ z Alaksandram Łukašenkam, pastaŭki dyzpaliva, jakoje vypracoŭvajecca z rasijskaj nafty, praź Biełaruś, taksama buduć kali nie pierakrytyja, to prycisnutyja», — skazaŭ u intervju vydańniu Ukraina.ru rasijski ekanamist Michaił Dzialahin.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim19
Kamientary