11-hadovaja školnica sa Słucka viadzie videabłoh, za jakim sočać 100 tysiač čałaviek
11-hadovaja Ułada Dubovik sa Słucka viadzie svoj videabłoh u sacyjalnaj sietcy Like. Na dziaŭčynku padpisany ŭžo 104 tysiačy čałaviek — u paŭtara raza bolš, čym žyvie ŭ jaje horadzie. Za dzień jaje roliki źbirajuć pa 40 tysiač łajkaŭ. Uvahu na heta źviarnuła hazieta «Infa-Kurjer».
U svaim błohu školnica duračycca pad muzyku razam ź siabroŭkaj, zdymaje viasiołyja klipy na papsovyja pieśni, pje kaktejli praz trubačku, skručanuju ŭ akulary, i hatuje «ciesta» z hielu dla duša i kleju. Karaciej, kali vy nie padletak, to naŭrad ci acenicie taki kantent. Bolšaść rolikaŭ dziaŭčynka zdymaje doma.
U rejtynhu papularnych biełaruskich błohieraŭ (sacsietka składaje jaho pa kolkaści atrymanych za dzień łajkaŭ) słuckaja školnica na piatym miescy. Ale vychodziła i na topavuju pazicyju. Cikava, što siarod tych, chto jaje zaraz apiaredžvaje, — 10-hadovaja dziaŭčynka ź Minska.
Like — heta sacyjalnaja sietka, dzie zavisaje 50 miljonaŭ čałaviek z roznych krain. Jana źjaviłasia ŭ 2017 hodzie. Sacsietka dazvalaje ŭ niekalki klikaŭ zapisvać svaje videa, nakładać na ich muzyku i roznyja śpiec-efiekty. Dziakujučy hetamu farmatu mabilny dadatak staŭ vielmi papularnym u padletkaŭ i moładzi.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku14
Kamientary