11-гадовая школьніца са Слуцка вядзе відэаблог, за якім сочаць 100 тысяч чалавек
11-гадовая Улада Дубовік са Слуцка вядзе свой відэаблог у сацыяльнай сетцы Like. На дзяўчынку падпісаны ўжо 104 тысячы чалавек — у паўтара раза больш, чым жыве ў яе горадзе. За дзень яе ролікі збіраюць па 40 тысяч лайкаў. Увагу на гэта звярнула газета «Інфа-Кур’ер».
У сваім блогу школьніца дурачыцца пад музыку разам з сяброўкай, здымае вясёлыя кліпы на папсовыя песні, п’е кактэйлі праз трубачку, скручаную ў акуляры, і гатуе «цеста» з гелю для душа і клею. Карацей, калі вы не падлетак, то наўрад ці ацэніце такі кантэнт. Большасць ролікаў дзяўчынка здымае дома.
У рэйтынгу папулярных беларускіх блогераў (сацсетка складае яго па колькасці атрыманых за дзень лайкаў) слуцкая школьніца на пятым месцы. Але выходзіла і на топавую пазіцыю. Цікава, што сярод тых, хто яе зараз апярэджвае, — 10-гадовая дзяўчынка з Мінска.
Like — гэта сацыяльная сетка, дзе завісае 50 мільёнаў чалавек з розных краін. Яна з’явілася ў 2017 годзе. Сацсетка дазваляе ў некалькі клікаў запісваць свае відэа, накладаць на іх музыку і розныя спец-эфекты. Дзякуючы гэтаму фармату мабільны дадатак стаў вельмі папулярным у падлеткаў і моладзі.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай7
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары