Rasijskija telehram-kanały masava anansujuć, što Kreml adkliča Babiča ź Biełarusi
Ad učorašniaha dnia najbujniejšyja rasijskija palityčnyja telehram-kanały paviedamlajuć, što Alaksandr Łukašenka ŭsio ž damohsia taho, kab Rasija adklikała ź Biełarusi svajho pasła Michaiła Babiča. Praŭda, pakul anijakich aficyjnych paćvierdžańniaŭ hetamu niama.
Michaiła Babiča pryznačyli pasłom letam 2018 hoda. Da hetaha jon byŭ śpiecpradstaŭnikom prezidenta Rasii pa Pavołžskaj fiederalnaj akruzie. Niekatoryja krynicy adznačali, što biełaruski bok doŭhi čas admaŭlaŭsia pryniać Babiča, ale ŭ vyniku pryniaŭ rašeńnie, što puścić jaho ŭ Minsk.
Adnosiny Babiča ź biełaruskimi ŭładami nie duža skłalisia. Pasoł mieŭ zvyčku publična spračacca z kiraŭnikom Biełarusi. Jon abviarhaŭ słovy Łukašenki ŭ ŚMI. U vyniku častyja vystupy Babiča sparadzili kanflikty.
Pres-sakratar MZS našaj krainy Anatol Hłaz nazyvaŭ Babiča «pierśpiektyŭnym rachunkavodam i buchhałtaram». A zusim niadaŭna biełaruskaje Ministerstva zamiežnych spravaŭ skazała, što nichto nie narabiŭ stolki škody biełaruska-rasijskim adnosinam, jak pasoł. I choć Łukašenka ŭskosna padčas pasłańnia da naroda i parłamienta skazaŭ, što Babiča mohuć i vykinuć z krainy, ale zapeŭniŭ, što sama Rasija pavinna razabracca z dypłamatam.
«Davier Maskvy da Babiča nie źmianiŭsia. Adnak pasoł razumieje, što Łukašenka nie daść jamu spakojna pracavać. Drobnyja prydzirki i pravakacyi buduć raździmacca da mižnarodnaha trolinhu. Heta budzie sabatavać intehracyju sajuznaj dziaržavy», — piša Niazyhar.
Kanał tłumačyć, što kiraŭnictva Biełarusi nie moža daravać Babiču «vyvadu na dziaržaŭny ŭzrovień pytańnia ŭvozu z terytoryi Biełarusi sankcyjnych tavaraŭ». Nasamreč hetaja tema abmiarkoŭvałasia ŭ rasijskich viarchach zadoŭha da pryznačeńnia Babiča.
Usie hetyja telehram-kanały niaźmienna chvalać Babiča za jahonuju pracu ŭ Biełarusi. Maŭlaŭ, jon razvarušyŭ «asinaje hniazdo», a nastupnik prosta musić praciahvać pracavać pa lakałach papiarednika.
«A sam Michaił Babič pryviazie ŭ Maskvu masu asabistych kantaktaŭ ź biełaruskimi biznesmienami, čynoŭnikami, siłavikami. I ź vializnym abjomam viedaŭ i infarmacyi, jakuju možna budzie lohka vykarystoŭvać dla abarony intaresaŭ Rasii. Kali Łukašenka znoŭ pačnie «zabyvać» pra svaje abiacańni, čym jon biespakarana zajmajecca čverć stahodździa», — praciahvaje Niazyhar.
Telehram-kanał «Piar padčas čumy» zadajecca pytańniem, što ž Łukašenka moh paabiacać Pucinu ŭ adkaz na adklikańnie ŭ Maskvu Babiča? Vykazvajuć viersiju, što zvalnieńnie ministra zamiežnych spraŭ Uładzimira Makieja, ale sami ž paśla pišuć, što takoje na hetym etapie niemahčyma. Pryznańnie Kryma rasijskim? Znoŭ ža pišuć, što małavierahodna.
«Bulba prastołaŭ», jakuju, najchutčej, viadzie niechta z asiarodździa «Rehnuma», aburajecca, što pracy dla pasła Babiča ŭ Biełarusi jašče mora i jaho ni ŭ jakim razie adklikać pakul nielha. Maŭlaŭ, nie ŭsio jašče raskryŭ pasoł. Jak prykład nazyvajuć supracoŭnictva Biełarusi i NATO.
Nazyvajuć navat i proźvišča čałavieka, jaki moža być adpraŭleny ŭ Minsk zamiest Babiča, — heta pamočnik Uładzimira Pucina, były vice-premjer Uładzisłaŭ Surkoŭ.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary