Člen kamandy abranaha prezidenta Ukrainy Uładzimira Zialenskaha, były supracoŭnik ŭkrainskaha Minabarony Ivan Aparšyn u intervju vydańniu «Apostraf» zajaviŭ, što Kijeŭ hatovy nanieści ŭdar «tam, dzie vy jaho nie čakajecie».
«Kali, nie daj boh, u vašaj durnoj hałavie saśpieje niejki płan, ja znajdu mahčymaść vam adkazać, i ja heta zrablu niestandartnymi šlachami… Ja vam naniasu udar tam, dzie vy jaho nie čakajecie», - skazaŭ jon.
Pa słovach Aparšyna, u jaho jość niekalki varyjantaŭ i jon hatovy ŭkłaści hrošy ŭ «siły śpiecyjalnych apieracyj».
Aparšyn padkreśliŭ, što da ŭstupleńnia Ukrainy ŭ NATA, jakoje, pavodle jaho słoŭ, niesumnienna adbudziecca, jon maje namier pavyšać uzrovień biaśpieki krainy. «Ja budu trymać vojski ŭ pastajannaj hatoŭnaści», - skazaŭ na zakančeńnie daradca Zialenskaha.
Mienavita Ivan Aparšyn 24 krasavika paraiŭ Uładzimiru Zialenskamu nie ŭdzielničać u pieramovach z prezidentam Rasii Uładzimiram Pucinym u farmacie «sam-nasam».
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary