Sacyjalny prajekt «Radziny» zapuskaje novuju inicyjatyvu dla ciažarnych — «Tvajo prava na pazityŭny dośvied u rodach».
Na sajcie planrodov.radziny.by kožnaja žančyna Biełarusi zmoža znajści ŭsiu nieabchodnuju infarmacyju: jakija pravy jana maje ŭ rodach, šabłony aficyjnych dakumientaŭ u radzilniu, paetapnyja kroki ŭzajemadziejańnia ź miedpiersanałam, adkazy ekśpiertaŭ na pytańni, realnyja historyi biełarusak.
Płan rodaŭ ujaŭlaje saboj piśmovuju zajavu ab uliku pravoŭ i intaresaŭ žančyny ŭ praviadzieńni rodaŭ: dzie, z kim i jak žančyna choča naradžać.
Naprykład, žančyna moža vybrać partniorskija rody ci rody biez supravadžalnika, zhadzicca ci admovicca ad prymianieńnia stymulujučych abo abiazbolvalnych miedykamientaŭ, vybrać abiazbolvańnie miedykamientoznaje abo nie, paśla rodaŭ uvieś čas znachodzicca ź dziciem ci nie.
Płan rodaŭ — nie idealny varyjant raźvićcia padziej i nie ałharytm, a mahčymaść dyjałohu z pamočnikami ŭ rodach, miedycynskimi rabotnikami ab vašych pažadańniach, viedach i pohladach na rody.
Kamientary