20 maja Śledčy kamitet pravioŭ bryfinh, pryśviečany śmierci 22-hadovaha inśpiektara DAI z Mahilova Jaŭhiena Patapoviča. Śledčyja pryjšli da vysnovy, što milicyjant insceniravaŭ svajo zabojstva i ździejśniŭ suicyd.
Paźniej aficyjny pradstaŭnik SK Julija Hančarova ahučyła niekalki momantaŭ, jakija nie ŭzhadavali padčas bryfinhu.
Pa viersii śledstva, paviedamleńnie ŭ Viber ab vykradańni sapraŭdy było adpraŭlena zahinułym, što paćviardžajecca vyvučeńniem jaho telefona, kanfiskavanaha ź miesca zdareńnia.
«Uličvajučy ustanoŭlenyja na hety momant abstaviny, śledstva prychodzić da vysnovy, što jano było adpraŭlena ź miesca zdareńnia samim maładym čałaviekam pierad suicydam dla taho, kab jaho chutčej znajšli, — paviedamiła Hančarova. —
Štanoŭ na im nie było, bo jany spalenyja z dapamohaj vadkaści dla raspalvańnia. Pa viersii śledstva, zahinuły zrabiŭ heta naŭmysna».
Taksama Hančarova akcentavała ŭvahu na tym, što ranieńnie ŭ milicyjanta było tolki adno — streł u hałavu. Bo raniej, na fota, jakija ŭciakli ŭ sieciva, była bačnaja kroŭ na majtkach zahinułaha. Adrazu pačali źjaŭlacca viersii, pra nažavyja ranieńni ŭ pach.
«I jašče raz akcentujem uvahu na tym, što nijakich ranieńniaŭ u vobłaści pachviny nie było, kroŭ na spodnim apynułasia tam z-za pozy. Adzinaje zafiksavanaje cialesnaje paškodžańnie — ahniastrelnaje ranieńnie ŭ hałavu. Infarmacyja, jakaja raspaŭsiudžvajecca na asobnych Telegram-kanałach, źjaŭlajecca niedakładnaj. Drennaja jakaść i rakurs fota dazvalajuć raskručvać hetuju «viersiju», bo ich aŭtary razumiejuć, što zdymak bujnym płanam nie budzie apublikavany pa etyčnych mierkavańniach», — zajaviła Julija Hančarova.
Čytajcie taksama:
Asnoŭnaja viersija SK: 22-hadovy daišnik Jaŭhien Patapovič ździejśniŭ suicyd
Što zastajecca niezrazumiełym u historyi z suicydam mahiloŭskaha daišnika
Biełaruscy pa pašparcie 120 hadoŭ. Ale ŭ knihu Hiniesa jaje nie zapišuć — i voś čamu7
Kamientary