Ekanamičny kryzis nie škaduje nikoha, navat «nabližanych» da prezidentaŭ kampanij: čykahskaja tekstylnaja kampanija «Chartmatreks», jakaja siarod inšaha šyje harnitury dla abranaha prezidenta, Baraka Abamy, litaralna niekalki dzion paśla inaŭhuracyi abviaściła siabie bankrutam. «Chartmatreks» robić pracoŭnuju vopratku, štodzionnyja apranachi, a taksama maje daččynuju kampaniju «Chart Šafner Markies», što šyje (ciapier, peŭna, pravilniej skazać, šyła) elitnyja harnitury.
A voś vytvorca mužčynskich botaŭ, jakija nie tak daŭno z nahi irakskaha žurnalista palacieli ŭ minułaha prezidenta, Džordža Buša, kvitnieje. Ścipły ŭładalnik nievialikaj abutkovaj fabryki Ramazan Bajdan sa Stambuła navat nie čakaŭ, što jahonaja «madel №271» canoju 27 dalaraŭ miećmie takuju šalonuju papularnaść i zakazy na jaje pasyplucca z usiaho Blizkaha Ŭschodu. «Niechta zhledzieŭ, što ŭ amierykanskaha priezidenta padčas pres‑kanfierencyi ŭ Iraku palacieŭ tufiel vytvorčaści mienavita majoj fabryki. I ciapier ludziam chočacca mieć taki samy abutak. Peŭna, u jakaści suvienira», — skazaŭ uściešany vytvorca, jaki ciapier pierajmienavaŭ svaju 271‑uju madel u «Bye Bye Bush!» — »Da pabačeńnia, Buš!»
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary