Kiraŭniku ŭpraŭleńnia ideałohii Haradzienskaha abłvykankamu admoŭlena va ŭjeździe ŭ Polšču
Vizavy adździeł Hienieralnaha konsulstva Respubliki Polšča ŭ Harodni admoviŭ u vydačy vizaŭ taksama kiraŭniku karpunktu Ahulnanacyjanalnaha telebačańnia M. Miellačenku. Čamu?
Vizavy adździeł Hienieralnaha konsulstva Respubliki Polšča ŭ Harodni admoviŭ u vydačy vizaŭ taksama kiraŭniku karpunktu Ahulnanacyjanalnaha telebačańnia M. Miellačenku. Čamu?
Kiraŭnik ŭpraŭleńnia ideałohii Haradzienskaha abłvykankamu Ŭładzimir Amielka ŭłasnaručna zapoŭniŭ ankietu dla atrymańnia šmatrazovaj paŭhadavoj vizy dla pojezdkaŭ u Polšču, ale atrymaŭ admovu. Pra heta «Niamieckaj chvali» paviedamiŭ kiraŭnik vizavaha adździełu konsulstva ŭ Harodni Januš Dambroŭski.
Upraŭleńnie ideałohii na čale z Amielkam brało niepasredny ŭdzieł u realizacyi płanaŭ pa dziaržaŭnym zachopie hramadskaj arhanizacyi «Sajuz palakaŭ Biełarusi«. Nahadaju, što letaś Ministerstva justycyi Biełarusi nie pryznała vynikaŭ sakavickaha źjezdu SPB. Pad kantrolem miascovych uładaŭ byŭ praviedzieny paŭtorny źjezd i abranaje łajalnaje kiraŭnictva Sajuzu palakaŭ. Aficyjnaja Varšava rašuča asudziła ŭmiašalnictva dziaržavy ŭ spravy hramadskaj arhanizacyi.
Kiraŭnik upraŭleńnia idieałohii Uładzimir Amielka ciaham mnohich hadoŭ kuryruje dziejnaść ŚMI i hramadskich arhanizacyjaŭ. Za čas jaho pracy ŭ Haradzienskaj vobłaści byli začynienyja ŭsie pryvatnyja hramadska-palityčnyja vydańni, akramia «Haziety Słonimskaj». Za savieckim časam Amielka pracavaŭ u Haradzienskim abkamie kampartyi ŭ siektary druku, radyjo i telebačańnia. Uładzimir Amielka źbiraŭsia na śviata biełaruskaj kultury ŭ Biełastok. Kamientavać admovu ŭ atrymańni vizy ŭ Polšču jon nie moža. Pavodle jaho słovaŭ, pryčyna jamu nie viadomaja.
Nie atrymaŭ vizu ŭ Polšču taksama i karespandent Ahulnanacyjanalnaha telebačańnia Mikałaj Miellačenka. Jon źjaŭlajecca aŭtaram mnohich materjałaŭ, jakija, na dumku polskaha boku, raspalvajuć mižnacyjanalnuju varožaść. Akramia taho, Miellačenka vystupiŭ śviedkam pa spravie, jakuju ŭzbudziła Ŭpraŭleńnie rasśledavańniaŭ Haradzienskaha Upraŭleńnia unutranych spravaŭ u adnosinach da aktyvistaŭ nie pryznanaha ŭładami Sajuzu palakaŭ. Ich abvinavačvajuć u pahrozach dyrektaru Ščučynskaha Domu palakaŭ u lipieni minułaha hodu i na praciahu niekalkich miesiacaŭ nieadnojčy vyklikali na dopyty. Hetaja kryminalnaja sprava była dvojčy prypynienaja, ale pakul nie zakrytaja. A ŭ pašpartach abvinavačvajemych aktyvistaŭ anulavali dazvolnyja štampy na vyjezd za miažu.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary