Pop-śpiavačka z Maskvy zapisała «Biełaruski albom» u supracy z Sokałavym-Vojušam
Rasiejskaja śpiavačka i aranžyroŭščyca, kolišniaja ŭdzielnica maskoŭskaha pop-hurtu «Bożja korovka» Miła Ražkova zapisała druhi albom na biełaruskaj movie — «Biełaruskaja mazaika», paviedamlaje radyjo «Svaboda».
U albomie i sanety Adama Mickieviča ŭ pierakładzie Kastusia Ćvirki («Da Niomanu» i «Strałok»), i biełaruskaja narodnaja «Ciače vada ŭ jarok» u aŭtarskaj aranžyroŭcy, i pieśnia ŭ styli elektraśvinh z repertuaru Sisi Redvik «Daj mnie toj śvinh» u pierakładzie Sieržuka Sokałava-Vojuša.
Niekatoryja rečy Sokałaŭ-Vojuš pierakłaŭ admysłova dla Miły Ražkovaj. Heta papularnaja pieśnia «Tbiliso», «Viaskovaja pieśnia» na vieršy Josifa Brodzkaha, «Mach» ukrainskaj zorki Śviatasłava Vakarčuka i «Ramonki» na słovy samoj vykanaŭcy.
Pieršy «Biełaruski albom» źjaviŭsia ŭ 2017 hodzie. U jaho ŭvajšli vosiem piesień na vieršy roznych aŭtaraŭ, pierakłała ich haradzienskaja paetka Alžbeta Kieda.
Kamientary