Milinkievič zarehistravaŭ u Polščy «Volny biełaruski ŭniviersitet»
Ustanova zarehistravana ŭ Varšavie.
«Atrymać rehistracyju było nie składana, — raspavioŭ eks-kandydat u prezidenty i były lidar ruchu «Za svabodu» ŭ intervju «Biełaruskamu partyzanu». — Fond, jaki my zarehistravali, nazyvajecca «Volny biełaruski ŭniviersitet». Ale dla taho, kab usio pačało pracavać, nieabchodna vialikaja padrychtoŭčaja praca. U nas zvyčajny ŭniviersitet vielmi składana zapuścić. Piać hadoŭ treba minimum, kab jaho raskrucić, a hety jašče składaniej».
Ustanova zarehistravana ŭ Varšavie.
«My chacieli zarehistravać univiersitet mienavita na terytoryi Jeŭrasajuza. U pryncypie, možna było i tut sprabavać. Moža, i dazvolili b. Ale toje, što my chočam rabić, na terytoryi Biełarusi padlahaje licenzavańniu, a heta značyć, što źmiest adukacyi, pa sutnaści, budzie takoje ž, jak i ŭ prahramach biełaruskaha Ministerstva adukacyi. A ŭ nas uvieś sens u tym, kab možna było atrymać samyja sučasnyja jeŭrapiejskija viedy. My chočam iści ŭ nahu sa śvietam, — miarkuje palityk i dadaje. —
«Choć my i zarehistravanyja jak «Volny biełaruski ŭniviersitet», na samaj spravie heta nie zusim univiersitet. Heta, chutčej, taki apieratar, jaki budzie dapamahać jeŭrapiejskim univiersitetam vyjści na biełaruski navučalny rynak, i navučency zmohuć pasprabavać atrymać jeŭrapiejskija viedy praź internet. I dypłomy pavinien vydavać, viadoma, nie fond, a mienavita dobry jeŭrapiejski ŭniviersitet».
Navučańnie praduhledžvajecca na anhlijskaj i biełaruskaj movach.
Što da apłaty za navučańnie, to Alaksandr Milinkievič zaznačaje, što navučańnie spačatku budzie biaspłatnaje, a potym płatnaje.
«Nie surjozna spadziavacca na toje, što donary buduć uvieś čas nas finansavać. Treba vychodzić na samaakupnaść. I kali prajekt atrymajecca, kali budzie vialikaja kolkaść navučencaŭ, to my chacieli b zrabić adukacyju płatnaj. Ale košt budzie adnaznačna tańniejšy, čym siońniašniaje zavočnaje navučańnie ŭ Biełarusi».
Adukacyja, jakuju my chočam dać, nie zamienić całkam vočnuju adukacyju, ale budzie vielmi surjoznym dadatkam da jaje.
«Ciapier nam bolš za ŭsio padabajecca ideja źmiešanaha navučańnia, kali čałaviek usio, što moža, vyvučaje ŭ internecie, a potym pryjazdžaje na stažyroŭku, na siesiju i padčas dyskusijnych panelaŭ ŭžo sustrakajecca z prafiesarami. Mnie zdajecca, na siońniašni dzień heta adna z samych efiektyŭnych sistem», — miarkuje Milinkievič.
Na ŭdakładniajučaje pytańnie, ci pačnie ŭniviersitet nabirać studentaŭ užo sioleta, palityk adkazaŭ: «Usio apynułasia značna składaniej, čym ja dumaŭ … Ja ŭžo šmat razoŭ kazaŭ, i kožny raz niešta adkładałasia. Tamu na hety raz lepš pramaŭču…»
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary