U racyjonie biełarusaŭ nie chapaje kalcyju i vitaminu D, a ŭ žančyn fiertylnaha ŭzrostu — žaleza, piša Tut.by.
— Praktyčna dla ŭsich uzrostavych hrup charakterna niedastatkovaje ŭtrymańnie kalcyju ŭ racyjonie, panižanaje spažyvańnie vitaminu D i inšych vitaminaŭ. U žančyn fiertylnaha ŭzrostu adznačajecca panižanaje ŭtrymańnie žaleza, — raspaviała Iryna Kiedrava, viadučy navukovy supracoŭnik adździeła hihijeny charčavańnia Navukova-praktyčnaha centra hihijeny padčas anłajn-tranślacyi pres-kanfierencyi z Nacyjanalnaha pres-centra.
Nahadajem, što zvyčajna z małočnymi praduktami čałaviek u sutki atrymlivaje 600—800 mh kalcyju, a dla adnaŭleńnia kaścianoj tkanki treba 1000—1200 mh. Tamu daktary rekamiendujuć dadavać u štodzionny racyjon preparaty kalcyju.
U Biełarusi jość prablema deficytu vitaminu D, bo ŭ nas na praciahu hoda mała soniečnych dzion. Z praduktami, naprykład ź jajkami, masłam, miasam, my možam atrymać u siarednim 100 mižnarodnych adzinak hetaha vitaminu. U sutki treba 600—1000 MIE. Bolš za ŭsio hetaha vitaminu ŭ tłustaj marskoj rybie i piečani traski.
Hałoŭny pazaštatny dyjetołah Ministerstva achovy zdaroŭja Biełarusi Maryna Papova adznačyła, što biełarusy stali mienš jeści chleba, bulby i krup. Adnak, chaciełasia b, kab my bolš jeli miasa, harodniny i sadaviny.
— Jašče pa-raniejšamu dastatkova vialikaja kolkaść nasielnictva krainy ŭžyvaje sol, cukar, rafinavanyja vuhlavody i hetym adychodzić ad pryncypaŭ zdarovaha charčavańnia. Zdarovaje charčavańnie — heta nie dyjeta, a charčavańnie, jakoje indyvidualna dla kožnaha i jano spryjaje maksimalnamu zdaroŭju. Jano spryjaje tamu, kab zachvorvańni, navat u siłu spadčynnych faktaraŭ abo nabytyja, nie prahresiravali.
Dyjetołah źviarnuła ŭvahu, što na praciahu dnia nie treba zabyvać ab režymie charčavańnia i fizičnych nahruzkach, pitnym režymie: treba pić vady ŭ raźliku 30 mł na 1 kh vašaj vahi.
— 40% biełarusaŭ ličać, što nie viaduć zdarovy ład žyćcia ŭ płanie charčavańnia ŭ tym liku. Asnoŭnaja pryčyna nie niedachop srodkaŭ i viedaŭ, a adsutnaść nastojlivaści i ŭpartaści, — kaža jana.
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary