Kipciurok zahruz…

Niadaŭnija pahadnieńni ŭ vajskovaj halinie abudzili fantaziju rasijskich hienierałaŭ. Hałoŭnakamandujučy VPS Rasii Zielin užo maryć pra toje, kab stavić pierad abjadnanaj sistemaj supraćpavietranaj abarony «zadačy supolnaha prymianieńnia ŭdarnaj aviacyi».

To bok — pryznačanaj nie tolki źbivać celi, ale i nanosić udary pa celach imaviernaha praciŭnika.

Na razvahi nieciarplivych rasijskich stratehaŭ Minsk reahuje niervova. Bo mohuć ža sapsavać miadovy miesiac ź ES! Tak, niečuvany adłup ad biełaruskaha MZS atrymaŭ ambasadar Surykaŭ za ekivok nakont mahčymaj pasyłki biełaruskich sałdat u haračyja punkty pad ściaham KSAR — kalektyŭnych sił apieratyŭnaha reahavańnia, što stvarajucca ŭ miežach ADKB. Raniej taki mietaličny ton biełaruskaje dypłamatyčnaje viedamstva ŭžyvała tolki da zachodnich impieryjalistaŭ :)

A kiraŭnik viedamstva Martynaŭ uvohule ceły tydzień patraciŭ na abialeńnie taho, što naša načalstva napadpisvała dniami ŭ Maskvie. Maŭlaŭ, i pra adziny rubiel — łuchta, i adzinaja rehijanalnaja sistema SPA — heta tolki kanstatacyja status-kvo, i ŭ haračyja punkty našy chłopcy nie trapiać ni pad jakim soŭsam.

Ekśpierty sapraŭdy kažuć: taja damova pra SPA, naprykład, ramkavaja i raspłyvistaja. Pad jaje jašče kuču dakumientaŭ pryniać treba. Plus Minsk napeŭna zapatrabuje miljardy na madernizacyju svajoj sistemy SPA (Pavieł Baradzin, jaki viedaje tołk u hrašovych prajektach, užo ćvierdzić pra $20 młrd.). Naŭrad ci razhonicca biełaruskaje kiraŭnictva i realna udzielničać u tych KSAR. Jak kazaŭ bułhakaŭski hieroj, «na ŭlik vaźmusia, a vajavać — dulu z masłam» :)

Karaciej, taktyka znajomaja. Raniej biełaruskaje načalstva «razvodziła na babki» Maskvu cieraz prajekt «sajuznaj dziaržavy». Ciapier

znojdzieny čarhovy punkcik Kramla: mroja pra supraćvahu NATO i adnaŭleńnie stratehičnaha daminavańnia na maksimumie postsavieckaj prastory. Za heta rasijskaje kiraŭnictva hatovaje raskašelvacca navat va ŭmovach kryzisu.

Vuń kirhizy, atrymaŭšy bonus, adrazu pakazali na dźviery amierykancam, što arandujuć avijabazu «Manas».

I biełarusam pierapała za zhodu na ARS SPA dy KSOR: kredyty, tanny haz. Darečy, z kułuaraŭ pratačyłasia: Maskva nibyta hatovaja adsunuć na niekalki hadoŭ pierachod na «jeŭrapiejskija ceny» pastavak hazu Biełarusi.

U Minsku zvykła vybirajuć niemudrahielistuju formułu «nam by dzień prastajać dy noč pratrymacca». Tak,

dośvied zamylvańnia ŭsiakich supolnych damovaŭ z Rasijaj — sapraŭdy bahaty, talentu nie zajmać. Ale ž i ŭ Maskvie nie durni. Tam abłytvajuć Biełaruś ŭsio novymi pahadnieńniami, krytyčnaja masa jakich zdolnaja pastavić kryž na niezaležnaści.

Na dumku palitołaha Valera Karbaleviča, «padpisańnie Biełaruśsiu pahadnieńniaŭ ab ARS SPA i KSAR stvaraje precedent abmienu častki suvierenitetu na rasijskija ekanamičnyja subsidyi. Heta razburaje adnu z asnovatvornych biełaruskich iluzij, nibyta mahčyma doŭhi čas atrymlivać dapamohu ad uschodniaj susiedki i pry hetym zachoŭvać niezaležnaść».

Jak kažuć rasijcy, «kohotok uviaz — vsiej ptičkie propasť».

• 0
• 0
• 0
• 0
• 0
• 0
• 0
• 0