Dziaržaŭnyja telekanały adychodziać ad nieefiektyŭnych schiem pry prodažy rekłamy i stvorać abjadnanuju kampaniju
Biełteleradyjokampanija, ANT, STB i «Mir» stvaryli na parytetnych umovach pradpryjemstva, jakoje budzie pradavać rekłamu ŭ efiry zhadanych kanałaŭ. Heta budzie taki dziaržaŭny sejłz-chaŭs.
Jak paviedamlaje BiełTA, «Televizijny rekłamny aljans» pačnie pracavać ad pačatku nastupnaha hoda.
Hetaje rašeńnie vyhladaje stratehičnym i daŭno naśpiełym — hrošy, jakija sychodzili pasiarednikam, telekanały zmohuć nakiroŭvać na raźvićcio ŭłasnaha kantentu. Heta źmienšyć u efiry dolu rasijskich prahram, jakija ŭ niekatorych kanałaŭ zajmajuć da 90% času.
Čytajcie: Kolki ŭ efiry ANT svajho kantentu, a kolki — rasijskaha? Davajcie ličyć
Ciapier u Biełarusi pradaŭcami telerekłamy źjaŭlajucca pryvatnyja kampanii «Alkasar Miedyja Siervis» i «ViAjBieł», źviazanyja ź Siarhiejem Ciacierynym, tenisnym trenieram i siabram Alaksandram Łukašenki.
Pry hetym firmy, jakija zamiarajuć aŭdytoryju, taksama afilujucca ź Ciacierynym. Atrymlivałasia, što pradaŭcy rekłamy pry abhruntavańni cany i raźmierkavańni hrošaj hruntavalisia na ułasnych dadzienych, jakija było niemahčyma pravieryć zvonku.
Čytajcie: Jak siamja Jarmolenkaŭ stała cieniavymi miedyjamahnatami ŭ Biełarusi
Navat siłavikam na naradzie ŭ Alaksandra Łukašenki ŭ vyniku pryjšosia kazać pra nieabchodnaść nieanhažavanaha vymiareńnia aŭdytoryi i pieradziełu rekłamnaha rynka, jaki i tak nie asabliva vialiki ŭ paraŭnańni ŭ susiedziami — usiaho $40 miljonaŭ.
Čytajcie: Narada ŭ Łukašenki: chočuć pa-novamu aceńvać rejtynhi ŚMI i pieradzialić rynak rekłamy
-
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
-
«Polšča ŭžo nie taja». Biełarusy, jakija doŭha nie jeździli na zakupy, ździvilisia cenam i novym praviłam
-
Minskija ŭłady raskazali pra vyniki ŭčarašniaha patopu na zavułku Čarviakova
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna6
Kamientary