Śpiavak Alaksiej Chlastoŭ raskazaŭ, ci možna ŭ taksi zamović, kab pryjechaŭ mienavita jon
Paśla taho, jak artyst pryznaŭsia, što pracuje ŭ taksi, šmat chto pačaŭ cikavicca: a jak prajechacca z Alaksiejem? Padčas svajho strymu ŭ instahramie Chlastoŭ raspavioŭ łajfchak.
Alaksiej, jaki pracuje ŭ biznes-kłasie, raspavioŭ, što ŭ «Jandeks.Taksi» takoj opcyi niama, a voś u taksi A1, dzie jon taksama pracuje, možna ŭ kamientaryi paznačyć, što čakaješ mienavita Alaksieja Chlastova. Kaža, što kali havorka idzie pra dalokuju dystancyju, jaho sapraŭdy davoli časta adpraŭlajuć na takuju zamovu. Niadaŭna, naprykład, Alaksiej pakazvaŭ u storys, što pajechaŭ da zamoŭcy, jaki znachodziŭsia bolš čym za 300 kiłamietraŭ.
A numar borta Alaksieja 2555.
Nahadajem: niadaŭna śpiavak Alaksiej Chlastoŭ padzialiŭsia ŭ sacyjalnych sietkach, što pracuje ŭ taksi. Pryčyna takoj radykalnaj źmieny dziejnaści nie vielmi aryhinalnaja dla Biełarusi. U 2023 hodzie stała viadoma, što Alaksiej Chlastoŭ trapiŭ u čorny śpis artystaŭ — to-bok ciapier jon nie moža vystupać navat na karparatyvach.
Paśla pryznańnia Alaksieja biełarusy niečakana zładzili fłešmob u sacsietkach. Niechta publikavaŭ fota ci videa sa śpievakom, dzialiŭsia historyjami, źviazanymi ź im. Chtości zapisvaŭ roliki, jak śpiavaje svaje lubimyja pieśni artysta.
«Naša Niva» — bastyjon biełaruščyny
PADTRYMAĆCiapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj80
Kamientary