Jakija tolki huki nie vydajuć ludzi padčas seksu: stohnuć, kryčać, rykajuć, rochkajuć, vykrykvajuć niecenzurnyja vyrazy i pafasnyja frazy nakštałt «Voś užo adkryvajecca brama!». Staŭleńnie da hukaŭ taksama va ŭsich roznaje. Kamuści padabajecca hety talent, kahości śmiešyć, a chtości bačyć u hetym niaščyraść. Dyk šumieć ci nie šumieć ŭ pracesie savakupleńnia? Raźbirajecca tsn.ua.
Ličycca, što padčas seksu tradycyjna stohnuć žančyny. Mužčynskaja vakalizacyja padčas pałavoha akta čaściej asacyjujecca ź niamieckimi pornafilmami («Ja-Ja! Fantaściš!») i vyklikaje chutčej ironiju. Mužčyny časta nie dazvalajuć sabie stračvać kantrol nad emocyjami. U toj čas jak dla žančyny strata kantrolu — a mienavita heta čytajecca za stohnami i krykami — bolš naturalny praces. Pačaščanaje dychańnie i stohny padčas seksu śviedčać ab asablivym, transavym, stanie. U niekatorych afrykanskich plamionach hłybokaje dychańnie vykarystoŭvali dla taho, kab upadać u hłyboki trans. Pry hetym, jak vyśvietlili navukoŭcy, źnižajecca arteryjalny cisk i ŭzrovień vuhlakisłaha hazu ŭ kryvi, a adčuvalnaść ŭzmacniajecca, jak i seksualnyja pieražyvańni. U mozhu adbyvajucca źmieny, dziakujučy jakim źnižajecca kantrol nad pavodzinami i emocyjami, čałaviek litaralna stanovicca padobnym da žyvioły.
Darečy, pra žyvioł. Samki pavijanaŭ pačynajuć vydavać bolš składanyja huki pry nabližeńni avulacyi. Taksama ich vakalizacyi źmianiajucca ŭ zaležnaści ad ranhu samca, ź jakim jany sparvajucca. Ci nie toje adbyvajecca z žančynami pry seksie z alfa- ci beta-samcami? Časta «samki čałavieka» dzielacca, što nie zaŭsiody i nie ź lubym partnioram jany stohnuć padčas seksu abo vydajuć inšyja huki. A voś samki makak hukami dapamahajuć svaim partnioram atrymać arhazm.
Pra toje, što žančyny, padobna samkam makak, upłyvajuć svaimi krykami i stohnami na asałodu mužčyn, paćviardžajuć i daśledavańni ŭ halinie seksu. Praŭda, časta huki vydajucca nie z pryčyny mocnaj ejfaryi i straty kantrolu nad emocyjami, a jak srodak manipulacyi. Pavodle daśledavańnia, što pravodziłasia brytanskimi navukoŭcami, z 71 apytanaj žančyny ad 18 da 47 hadoŭ 66% šumieli padčas seksu dla taho, kab paskoryć arhazm svajho partniora, a 87% takim čynam imknulisia pavysić jaho samaacenku. Niekatoryja žančyny taksama paviedamlali, što vakalizavali dla taho, kab palehčyć nudu, stomlenaść abo bol/dyskamfort padčas seksu.
Ci nie tamu hučnyja stohny žančyn časta zdajucca najhranymi? Kali za ścianoj chtości hučna stohnie siarod nočy, mnohim hetaja demanstratyŭnaść kaža ab žadańni pachvalicca, pakazać: sa mnoj usio ŭ paradku, u mianie jość seks. Adnak mužčyny pa-raniejšamu addajuć pieravahu vieryć svaim partniorkam, rasceńvajučy huki padčas kachańnia jak sihnały ab sile ŭzbudžeńnia i nabližeńni da arhazmu. Tyja ž brytanskija navukoŭcy vyśvietlili, što mužčyny niapravilna interpretujuć arhazm u svaich partniorak. Daśledavańni, u jakich udzielničali 85 par ad 20 da 45 hadoŭ, pakazali, što žančyny nie kantralavali i nie padyhryvali padčas aralnaha seksu, u toj čas jak pry vahinalnym čaściej imitavali arhazm. Mužčynam ža zdałosia naadvarot.
Dyk kryčać ci nie kryčać? Niekatoryja žančyny dzielacca, što chacieli b pakryčać u łožku, tolki saromiejucca, bajacca, što pačujuć susiedzi, za ścianoj śpiać dzieci abo baćki, i h.d. Biezumoŭna, časta davodzicca rabić skidku na žyllovyja ŭmovy. Ale kali jość mahčymaść adasobicca ŭ miescy, dzie vas nie buduć čuć, lepš nie abmiažoŭvać siabie ŭ vyražeńni emocyj. Seksołahi taksama rekamiendujuć vykarystoŭvać huki nie dla taho, kab uvieści partniora ŭ zman, schavaŭšy tym samym svaju nievysokuju zacikaŭlenaść pracesam, a chutčej jak sposab navučać partniora. Heta značyć uzmacniać i pamianšać stohny ŭ zaležnaści ad taho, ci robić partnior niešta pryjemnaje ci nie. Heta lepš, čym kiravać pracesam tonam daišnika: «Laviej, praviej, napierad, macniej, stoj».
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary