«Śledstvo končano, ciapier budzie sud»

Atrymała praciah historyja z kanfiskacyjaj u kastryčniku minułaha hodu na biełaruska‑polskaj miažy biełaruskimi mytnikami 10 paasobnikaŭ taŭściennaha numaru № 7–8 časopisa «ARCHE» za 2008 hod, pryśviečanaha ŭ asnoŭnym darasiejskaj historyi Biełarusi.

25 lutaha sud Maskoŭskaha rajonu Brestu pačnie razhlad hramadzianskaj spravy adnosna pryznańnia ekstremisckimi numaru časopisu ARCHE №7‑8 za 2008 hod.

Nahadajem, 24 kastryčnika letaś supracoŭnica bresckaj mytni Renata Niadbajeva paličyła, što źviestki, jakija ŭtrymlivajucca ŭ № 7–8 časopisa ARCHE, «mohuć nanieści škodu nacyjanalnym intaresam Respubliki Biełaruś». 10 asobnikaŭ vydańnia, znojdzienyja ŭ bahažy historyka Alesia Paškieviča, byli zabranyja na ekśpiertyzu.

Na dniach redakcyja časopisa atrymała ekśpiertnaje rašeńnie zroblenaje ŭpraŭleńniem KDB pa Bresckaj vobłaści. Padajom usiu arhumientacyju bresckich čekistaŭ dasłoŭna. Vykinuć choć słova z hetaha niemudrahielistaha dakumientu było b niedaravalna:

«Proviediennym analizom ustanovleno, čto v žurnałach sodieržatsia śviedienija, kotoryje diskrieditirujut diejatielnosť orhanov vłasti i upravlenija Riespubliki Biełaruś, usilivajut socialno‑političieskuju napriažiennosť i protivostojanije v obŝiestvie, stimulirujut sovieršienije diejstvij, napravlennych na orhanizaciju i osuŝiestvlenije massovych biesporiadkov, i tiem samym sozdajut uhrozu biezopasnosti Riespubliki Biełaruś v političieskoj śfierie. V častnosti:

— V staťje «Parlamenckija vybary: biełaruskaja nuda, eŭrapiejskaja intryha?» (avtor V. Silickij, str. 11–16) zajavlajetsia, čto «Praktyčnaja adsutnaść intryhi i surjoznych čakańniaŭ u adnosinach da biaśsilnych pradstaŭničych orhanaŭ i pasiŭny padychod apazicyi da vybarčych kampanijaŭ nie pakidaje hramadstvu inšaha vybaru, akramia jak pryniać zahadzia padrychtavanuju prapanovu ŭładaŭ. U pryvatnaści, praktyčna adsutničaje supraciŭ kampanijam daterminovaha hałasavańnia…»;

— V matieriale «Vybuch i šmon: biełaruski mini‑Aśviencim. Kruhły stoł u redakcyi «ARCHE» (str. 17–27) sodieržitsia mnienije o diejstvujuŝiej vłasti, sohłasno kotoromu «… za jaje fasadam chavajecca maralnaje razłažeńnie (jakoje ź niadaŭniaj pary navat adkryta afišujecca) i maralnaja karupcyja, jakaja idzie naha ŭ nahu za zvyčajnaj»;

— v staťje «Mienskija maneŭry. Łukašenka vykarystoŭvaje vybary, kab zdabyć ryčahi ŭ pieramovach z EZ» (avtory B. Jarabik i A. Rabaljatti, str. 28–32) konstatirujetsia, čto «… ułady vykarystoŭvajuć vybuch dla ažyćciaŭleńnia svajoj zvyčajnaj taktyki ŭcisku apazicyi, zapałochvajučy patencyjnych praciŭnikaŭ i pieraškadžajučy luboj apazicyjnaj dziejnaści»;

— v publikacii «Pamiać achviaraŭ i pamiać kataŭ» (avtor A. Rasinskij, str. 33–50) sotrudniki orhanov hośbiezopasnosti i fašisty nazyvajutsia soźnikami: «Sajuźniki – nacyst i čekist – schililisia nad mapaj».

Vyvod: sodieržanije dannych statiej śvidietielstvujet o naličii v nich informacii s priznakami ekstriemistskoj napravlennosti, čto stimulirujet protiestnyje nastrojenija nasielenija i razžihajet socialnuju rozń po političieskim motivam».

Na asnovie vyšejskazanaha Ŭpraŭleńnie abłasnoha KDB prosić pryznać kanfiskavanyja ŭ Paškieviča asobniki časopisa ekstremisckimi materyjałami i źniščyć ich.

Jak kazaŭ piersanaž farsu‑vadevilu Vincenta Dunina‑Marcinkieviča «Pinskaja šlachta», stanavy prystaŭ Kručkoŭ: «Śledstvo končano, ciapier budzie sud». Pačatak sudovaha pracesu pryznačany na 25 lutaha, u 9.30 hadzin.

Redaktar ARCHE Valer Bułhakaŭ kaža: «Mnie zdajecca, što dla siłavikoŭ heta była sprava honaru davieści materyjały da sudu. Heta vidavočnaja vyjava karparatyŭnaj salidarnaści, kali pamyłka Mytnaha kamitetu nie tolki nie była vypraŭlenaja, ale i daviedzienaja da poŭnaha absurdu.

Letaś KDB padobnymi ekśpiertyzami pryznavała ekstremisckimi źmiest haziet «Svaboda» i «Hłos znad Niemna». Urešcie, sudy Hrodzienskaj vobłaści pakinuli hetyja spravy biez razhladu. Ciažka sprahnazavać, što budzie hetym razam z ARCHE.

• 0
• 0
• 0
• 0
• 0
• 0
• 0
• 0