U Jeŭropie i va Ukrainie bajacca, što Tramp na hetym tydni vyjdzie ź pieramoŭ pa vajnie — FT
Jeŭrapiejskija i ŭkrainskija čynoŭniki aścierahajucca, što prezident ZŠA Donald Tramp ciapier znachodzicca na miažy admovy ad udziełu ŭ mirnych pieramovach Kijeva i Maskvy, piša Financial Times sa spasyłkaj na krynicy.
Aficyjnyja asoby ŭ Jeŭropie i va Ukrainie ličać, što Tramp hatovy skarystacca lubym, navat časovym praryvam u pieramovach, kab adznačyć svaje pieršyja 100 dzion na pasadzie. Heta budzie «padstavaj», kab užo na hetym tydni zajavić, što jaho praca vykananaja.
Pavodle adnaho z surazmoŭcaŭ FT, Tramp «stvaryŭ situacyju, ź jakoj sam znojdzie padstavu vyjści i pieradać Ukrainie i nam [Jeŭropie] rašeńnie hetaj prablemy».
Krynicy haziety taksama adznačajuć, što niežadańnie Uładzimira Pucina pahadzicca na klučavyja patrabavańni ZŠA i Ukrainy — takija jak zachavańnie ŭkrainskich uzbrojenych sił paśla vajny — a taksama ahulnaja składanaść kanfliktu prymusili Trampa pierahledzieć svaju prychilnaść da mirnaha pahadnieńnia.
Kamientary
Kolki dzion, miesiacaŭ, hod patrabujecca fanatam Trampa, kab zrazumieć, što ich kumir byŭ zvyšupeŭnieny, pamylaŭsia, davaŭ abiacańni tam, dzie nie raźbiraŭsia?
I kolki žyćcia patrebna biełaruskim fanatam Trampa, kali jany za 30 hod nie ŭciamili pahrozu ad typaža "plavuzhajučy nachabny nievuk"? Razumny navučajecca na ŭłasnym dośviedzie. Sumlenny - jašče i na historyi pakut svajoj radzimy.