U aŭtorak u Litvie pačnucca čatyrochdzionnyja vučeńni pa hramadzianskaj abaronie, kab navučycca, jak reahavać na mahčymy incydent na Astravieckaj AES u Biełarusi, piša Delfi.lt.
U chodzie vučeńniaŭ budzie zmadelavany scenar, kali Biełaruś nie paviedamlaje pra avaryju na Astravieckaj elektrastancyi, ale ustalavanyja ŭ Litvie sistemy manitorynhu fiksujuć pavyšany ŭzrovień zabrudžvańnia pavietra i vady. Hetyja vučeńni buduć uklučać treninhi pa evakuacyi žycharoŭ Paŭdniova-Uschodniaj Litvy (Vilenski kraj) i testavańnie sistemy apaviaščeńnia ludziej.
U aŭtorak budzie pravierana ahulnanacyjanalnaja sistema apaviaščeńnia — prahučać sireny, žychary atrymajuć paviedamleńni, a infarmacyja budzie tranślavacca pa Nacyjanalnym radyjo i telebačańni (LRT).
Kamisija pa ekstremalnych situacyjach sustreniecca ŭ druhoj pałovie dnia ŭ aŭtorak dla zaćviardžeńnia płana vučeńniaŭ i kiraŭnika apieracyjaj. U sieradu budzie imitavacca evakuacyja žycharoŭ — pa 50 vałancioraŭ buduć evakujavany sa Śviancianskaha rajona ŭ Zarasajskim rajonie i ź Vilenskaha rajona ŭ municypalitecie Kalvaryja.
Taksama budzie adbyvacca tak zvanaje časovaje pierasoŭvańnie, kali takaja ž kolkaść dobraachvotnikaŭ budzie pieramieščana z Šalčyninkskaha ŭ Varenski rajon.
U chodzie vučeńniaŭ budzie imitavacca sanitarnaja apracoŭka žycharoŭ, jakim buduć razdavać tabletki jodu.
Pavietranaja radyjełahičnaja raźviedka zapłanavanaja na čaćvier, u hetaj apieracyi buduć zadziejničany dva viertaloty i čakajecca naziemnaja raźviedka. Płanujecca, što padviadzieńnie vynikaŭ vučeńniaŭ u Ministerstvie ŭnutranych spraŭ adbudziecca ŭ piatnicu. U vučeńniach voźuć udzieł kala 300 słužbovych asob, vajskoŭcy i dziaržsłužačyja z šaści municypalitetaŭ — usiaho z 24 ustanoŭ. Pryjeduć naziralniki ź Vialikabrytanii, Łatvii, Estonii i Polščy.
Kamientary