Na Nacyjanalnaj kinastudyi «Biełaruśfilm» zdymajuć indyjski bajavik «Atrad», paviedamlaje BiełTA.
Bajavik «Atrad», praca nad jakim u Biełarusi pačałasia 23 vieraśnia, — heta bujny kamiercyjny prajekt mižnarodnaha maštabu, dzie nacyjanalnaja kinastudyja vystupaje ŭ roli hienieralnaha padradčyka zdymak i maksimalna zadziejničana ŭ pracesie, raskazaŭ hienieralny dyrektar Nacyjanalnaj kinastudyi «Biełaruśfilm» Uładzimir Karačeŭski.
«Heta surjozny, darahi i składanapastanovačny prajekt. U zdymkach zadziejničany vialikija siły kinastudyi, u tym liku značnaja kamanda našych śpiecyjalistaŭ — ad režysioraŭ-pastanoŭščykaŭ i apierataraŭ da kaściumieraŭ i techhrupy. Pryciahnutyja inšyja padradčyki ŭ asobie vajskoŭcaŭ, vajennaja technika, viertaloty, samaloty. Pracuje i vialikaja hrupa biełaruskich kaskadzioraŭ, — rastłumačyŭ jon. — Pryjechali da nas inviestary ź Indyi i inšych krain. Za miesiac treba źniać vialiki abjom, tamu zdymki iduć nie pa vosiem hadzin, a pa 14-16».
Pa słovach Uładzimira Karačeŭskaha, indyjski prajekt cikavy i važny jak z punktu hledžańnia ekanomiki, tak i mižnarodnych kantaktaŭ i dalejšaj pierśpiektyvy.
Bajavik budzie pra mužčynu z atrada śpiecyjalnaha pryznačeńnia, jaki ratuje maleńkuju dziaŭčynku.
Pa siužecie hałoŭnyja hieroi — Bim i Aryja — prafiesijnyja sałdaty, jakija razam sa śpiecatradam pavinny vyratavać 7-hadovuju Mimi. U kožnaha piersanaža svaja historyja, jakuju pakažuć u pačatku filma. Nie abydziecca stužka biez ramantyčnaj linii i tradycyjnych indyjskich tancaŭ — ich taksama vykanajuć biełarusy.
Zdymki indyjskaha filma «Atrad» na «Biełaruśfilmie» buduć praciahvacca da 25 kastryčnika. Vychad bajevika na vialikija ekrany Indyi i Jeŭropy zapłanavany na krasavik 2020 hoda.
Kamientary