Tramp padymaje myty suprać Kitaja da 125%, prypyniaje ich suprać inšych krain
Prezident ZŠA Donald Tramp padymaje staŭki ŭ handlovaj vajnie z Kitajem — ciapier myty suprać jahonaj pradukcyi buduć składać užo nie 104, a 125%.
«Va ŭmovach adsutnaści pavahi, jakuju Kitaj prajaŭlaje da suśvietnych rynkaŭ, ja pryniaŭ rašeńnie nieadkładna pavialičyć taryf, jaki spahaniajecca z Kitaja Złučanymi Štatami Amieryki, da 125%. Spadziajusia, što ŭ bližejšaj budučyni Kitaj uśviadomić: časy, kali možna było abkradać ZŠA i inšyja krainy, minuli — heta bolš nieprymalna, niežyćciazdolna», — napisaŭ Tramp u svajoj sacsietcy Truth Social.
Novyja taryfy Tramp uvodzić paśla taho, jak Kitaj na amierykanskija 104% adkazaŭ svaimi 84%.
U toj ža čas pavyšeńnie taryfaŭ dla astatnich krain časova admianiajecca.
«U adroźnieńnie ad hetaha, z ulikam taho, što bolš za 75 krain źviarnulisia da pradstaŭnikoŭ Złučanych Štataŭ, uklučajučy Departamienty handlu, finansaŭ i handlovaha pradstaŭnictva ZŠA (USTR), kab pačać pieramovy adnosna pytańniaŭ, źviazanych z handlem, handlovymi barjerami, taryfami, valutnymi manipulacyjami i niemanietarnymi taryfami, i z ulikam taho, što hetyja krainy, pavodle majoj nastojlivaj rekamiendacyi, nie ŭžyli ŭ adkaz nijakich mieraŭ suprać ZŠA, ja sankcyjanavaŭ 90-dzionnuju paŭzu i značnaje źnižeńnie ŭzajemnaha taryfu na hety pieryjad — da 10%, što taksama ŭstupaje ŭ siłu nieadkładna».
Krainy Jeŭrasajuza ŭzhadnili pieršuju chvalu novych taryfaŭ na impart z ZŠA
Pieršy dzień vialikich taryfaŭ Trampa: inviestary pazbaŭlajucca ad dalara i ablihacyj ZŠA
Kitaj uvodzić pošliny ŭ pamiery 84% na tavary z ZŠA
Tramp pra krainy, suprać jakich uvioŭ pošliny: Jany telefanujuć, dupu mnie całujuć, chočuć zaklučyć ździełku
Taryfy Trampa ŭstupili ŭ siłu
ZŠA ŭviali suprać Kitaja taryfy 104%
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
A jak ža $, jaki Amieryka prymušaje vykarystoŭvać inšym krainam, u toj samy čas piečatajučy jaho? I pahražaje nastupstvami, kali chtości žadaje adkazacca.
Vykarystoŭvańnie $ heta padatki na ŭsie krainy.
«Ja prapanuju prezydentu Trampu vyvučyć, jak Ronald Rejhan pieramoh balšavickuju imperyju. Jon zrabiŭ heta, jak my viedajem, biez adzinaha strełu, ale ŭ jaho była superzbroja — nafta».
-Majkł Rejhan.