Budučy deputat Hardziejčyk pra rańniuju piensiju dla vajskoŭcaŭ: Ja pierajazdžaŭ ź siamjoj 17 razoŭ, ujaŭlajecie?
Staršynia Sajuza aficeraŭ hienierał-major zapasu Ivan Hardziejčyk, jaki idzie na vybary ŭ Pałatu Pradstaŭnikoŭ, u intervju ahienctvu «Minsk-Naviny» prakamientavaŭ, z čym źviazany rańni vychad vajskoŭcaŭ na piensiju.
«U aficera vysokija nahruzki i vialikaja adkaznaść. A jašče kačavoje žyćcio. Za svajo aficerskaje žyćcio pierajechaŭ 17 razoŭ razam ź siamjoj. Možacie ŭjavić, što heta takoje? Dla cyvilnaha čałavieka pierabracca ŭ susiedniuju chatu ŭžo padzieja. Dy i kvatera na novym miescy čakaje nie zaŭsiody. Ja, budučy hienierałam, čatyry hady pražyŭ u internacie Vajennaj akademii na vulicy Kalinoŭskaha. Tak skłałasia. A luby pierajezd źviazany sa składanaściami: dzieci mianiajuć škołu, žonka — miesca pracy, dy i sam prychodziš u absalutna novy kalektyŭ.
A piensija… Słužyŭ da 59 hadoŭ. Siońnia ŭ Vajennaj akademii nie vykładaju, całkam addadzieny vieteranskaj arhanizacyi. Starajemsia, jak možam, padtrymlivać vieteranaŭ: nie tolki vajskovych, ale i vieteranaŭ pracy. Heta samaja nieabaronienaja prasłojka hramadstva, a bo ŭ krainie ich bolš za 2,5 miljona», — skazaŭ Hardziejčyk.
Kamientary