U Minsku kantralory buduć spyniać transpart dzie zaŭhodna, kab pravieryć kvitki
Užo zaŭtra kantralory ŭ Minsku pačnuć spyniać hramadski transpart u lubym miescy dla pravierki apłaty prajezdu. Padrabiaznaści raspaviali ŭ «Ahienctvie Minsktrans», piša Tut.by.
Dyrektar filijała «Ahienctva Minsktrans» Siarhiej Łasicki raspavioŭ, što z 8 kastryčnika kantralory zmohuć spynić hramadski transpart u luby momant na darozie — padniaŭšy žazło — takoje, jak u transpartnaj inśpiekcyi. Kiroŭca adkryvaje piarednija dźviery, kantralory zachodziać, błakujuć kampościery i validatary. Transpart nie staić na miescy — słužba praviaraje apłatu ŭ darozie.
U ramkach biesterminovaha ekśpierymientu takim čynam praviarać pačnuć tolki pasažyraŭ u aŭtobusach.
— Pahladzim, jak heta pryžyviecca i jaki daść vynik. My mieli prava spyniać tak transpart i raniej. Prosta my tak nie pracavali, a zaraz pasprabujem. Vy ž sami viedajecie, jak tolki transpart spyniajecca na prypynku i pasažyry bačać kantraloraŭ, usie bieźbiletniki adrazu vybiahajuć. A tak nie budzie kudy, — raspaviadaje kiraŭnik filijała.
Łasicki kaža, što kantralory buduć vybirać takija ŭčastki dla prypynku aŭtobusaŭ, kab heta było biaśpiečna dla ŭsich udzielnikaŭ darožnaha ruchu, pasažyraŭ.
— Meta nie vyjaŭlać bieźbiletnikaŭ. Heta robicca dla taho, kab ludzi apłačvali prajezd, — kaža Łasicki.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary