Mižnarodnaja hrupa navukoŭcaŭ raskryła miechanizm niekrozu, jaki raźvivajecca pry sardečnym prystupie i insulcie. Akazałasia, što pry adsutnaści kisłarodu ŭ vyniku błakavańnia arteryjalnaha kryvacioku adbyvajecca sintez i nazapašvańnie rečyva, zvanaha dezaksidyhidraceramidam, jakoje padaŭlaje kletkavyja funkcyi. Ab hetym paviedamlajecca ŭ pres-relizie na MedicalXress.
Dezaksidyhidraceramid byŭ vyjaŭleny ŭ čarviakoŭ u stanie anaksii, pry jakoj kisłarod u arhaniźmie adsutničaje. Pry hetym kancentracyja rečyva pavialičvałasia da taksičnych dla kletak značeńniaŭ. Ceramid dušyć aktyŭnaść śpiecyfičnych białkovych kompleksaŭ i vyklikaje defiekty ŭ struktury kletak, a taksama parušaje funkcyi mitachondryj.
Daśledčyki ŭviali inhibitar sintezu ceramidu ŭ arhanizm myšej, pierad tym jak u žyvioł spravakavali sardečny prystup. Akazałasia, što ŭ hryzunoŭ, jakija atrymali injekcyju, uražanyja niekrozam tkanki byli na 30 adsotkaŭ mienšyja ŭ paraŭnańni z kantrolnymi žyviołami, jakija nie atrymlivali inhibitar.
Inhibitar, jaki vykarystoŭvajecca ŭ daśledavańniach, błakavaŭ sintez usich ceramidaŭ, tamu zaraz navukoŭcy pracujuć nad atrymańniem bolš śpiecyfičnaha preparatu, jaki vykliča mienš pabočnych efiektaŭ.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary